問澳門既景點+自助餐

除左去賭場同埋回歸塔呢D出名景點之外, 請問澳門仲有邊幾個景點係好值得去呢

另外澳門有邊間酒店既自助餐係好食得黎又唔會太貴呢

2 個解答

評分
  • 梓熙
    Lv 7
    9 年前
    最愛解答

    行程1:

    早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去戀愛巷+聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到戀愛巷及聖安多尼教堂及白鴿巢公園, 果條路仔有好多古董賣的), 跟住可以去埋附近的澳門消防博物館, 地址: 澳門連勝馬路2-6號.

    中午可以在議事亭前地中央郵局附近的黃枝記食LUNCH, 主要係食中式粥類及粉麵. 下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂.

    傍晚可以落一落去位於新口岸的觀音像及宋玉生公園參觀. 晚上可以去漁人碼頭玩. 如果你有興趣睇賽狗的話, 晚餐後可以在新馬路搭巴士去拱北, 在紅街市附近下車然後行一段路去逸園賽狗場, 入賽狗場只須10元的入場費, 憑入場券可投注一次. 賽狗場門口有好多大排檔的, 之後順道去埋賽狗場附近的三盞燈睇特色街燈.

    行程2:

    早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的.

    中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可! 以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半).

    晚上可以去附近的熊貓餐廳食地道的萄國菜及去威尼斯人渡假村. 請緊記要預鬆D時間由氹仔出返碼頭, 因為預左會有少少塞車.

    行程3:

    早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡. P.S.: 當你去到澳門後, 記得在碼頭的遊客服務中心攞番份免費澳門地圖及巴士路線表, 到時就唔會唔識路及唔駛怕唔知知點搭車. · 另外, 到了澳門落左船離開碼頭一直行, 會有好多酒店及賭場既免費專車提供接送服務, 如果有車會去到你既目的地就去搭喇! 我成日都去搭賭場免費專車, 就算唔賭都無問題的. 酒店專車可能要你出示住戶證明, 上車時最好問清楚. 澳門碼頭及金沙賭場均有免費車前往威尼斯人

    2012-03-13 09:47:42 補充:

    自助餐可以去位於新葡京酒店的自助山, 好正的:

    http://www.grandlisboa.com/tc/food_and_beverage/in...

  • 9 年前

    酒店方面 我都會先透過玩很大酒店比價網查詢

    它很方便可以一次同時比較多家酒店的品質和價位~要找到滿意得很容易!

    「玩很大全球訂房比價網」http://www.wowbooking.xn--com~-im6f7wl87dbia186c/ 比價快速方便 沒有訂房功能喔~

    玩很大全球訂房比價APP由WowBooking.com製作~

    有住宿、訂房、機票、自助旅行、便宜機票 、旅遊規劃、 背包之旅規劃、 旅行社、 民宿旅遊資訊及比價需求都可以在這邊找到!

    出遊景點規劃行程安排訂房住宿比價所有資訊你可以去 wowbooking玩很大全球訂房住宿比價網 的部落格看看哦~

還有問題嗎?立即提問即可得到解答。