匿名
匿名 發問於 商業及金融其他 - 商業及金融 · 10 年前

關於QAS優質保安證書課程

想問下如果讀呢個16小時課程,上課程序係點??

係咪淨係係課室聽書??要唔要做實習??

讀完後呢張證書有效期幾耐??

4 個解答

評分
  • 貓童
    Lv 7
    10 年前
    最愛解答

    (1) 想問下如果讀呢個16小時課程, 上課程序係點?

    幾乎係坐足16小時聽書, 不過, 中間有食飯和休息, 一般來說, 啲教師會一直講書, 一直講笑, 以免全部學生訓着.

    上完堂後, 有一個考試, 有中文試卷和英文試卷, 任君選擇, 這種課程, 我以往已經上過兩至三個, 試卷都是多項選擇題, 好淺易, 好難肥佬, 但係你仍有可能遇到要寫文字作答的題目, 因為時代轉變, 每過一年, 試卷的內容和難度都會加多, 這是警察牌照科籍這個考試來淘汰質數較差的保安員的手段, 總之如果你有中三或以上學歷, 都十拿九穏啦.

    (2) 係咪淨係係課室聽書? 要唔要做實習??

    全中, 淨係响課室聽條友豬嗱, 唔需要做實習, 你或者聽聞過有要做實習的QAS課程, 這些要做實習的課程, 閒閒地要上成大半個月, 所以才會有實習, 否則16小時的QAS課程是無需實習的.

    (3) 讀完後, 呢張證書有效期幾耐?

    3年, 對這個3年有效期, 我有必要由頭到尾詳細解釋吓, 因為唔係咁多人清楚這點:

    首先, 如果你本身未伸請過保安人員許可證, 你就要上QAS證書, 警察牌照科規定, 這張QAS證書, 最少要上16小時, 和接受一個考試, 才有機會被警察牌照科認可, 得以替學員發出保安人員許可証, 換言之, 不是任何機構的證書都認可的, 如果你不慎受騙, 到了某一間公司俾錢上堂, 但這間公司未被警務處認可, 你上完堂之後, 仍然會伸請唔到保安證, 咁你又要揾另一間機構再上過堂啦.

    由於這些QAS證書課程, 是由職業訓練局監管的, 所以你可到職業訓練局的網頁, 查詢那一間機構的QAS證書是認可的, 報讀之前, 最好查一查, 以免讀錯咗啲唔認可既證書.

    我知我仲未講到3年, 就快喇! 3年認可期的意思, 是你取得證書之後, 再加上一張保安人員許可証, 3年之內, 可以隨時被僱主錄用, 從事保安工作咁解.

    咁我又想再講深入啲, 增加你既明白, 舉例來說, 如果你攞住一張保安人員許可証, 但係冇QAS證書, 或者係張QAS證書過咗期, 但係又想揾保安工作做, 咁樣又點算呢?

    有兩個選擇:

    (一) 你即刻去讀張新既QAS證書, 然後去揾保安做.

    (二) 你照樣去見工, 如果僱主的公司願意提供16小時保安入職訓練給你, 這間公司仍然可以請你, 這是警察牌照科定的規矩, 但係你要留意, 這間公司的16小時保安入職訓練, 可以係認可QAS證書, 但亦可以唔係認可QAS證書, 假若係唔認可的話, 你一轉工, 又要讀過張新既, 或再接受另一間公司的16小時保安入職訓練, 另一個僱主先可以再請你, 所以現在你應該明白點解我會讀過兩至三張QAS證書啦.

    但亦有些僱主公司本身跟本就冇設立16小時保安入職訓練課堂, 這些公司, 只能請一些同時擁有有效保安人員許可證和有效QAS證書的人.

    去邊度讀有着數?

    我認為去再培訓局讀有着數, 再培訓局的QAS課程雖然要讀成大半個月, 但係課程勁有質數, 對日後工作有利得多, 因為你越識得多野, 就會覺得啲野越容易, 越識得少嘢, 越易孭黑鑊和炒友, 有些大物業管理公司人工雖好, 但是經常炒人, 例如: 生蟲鷄集團啲物業管理公司, 信左等等, 生蟲鷄和信左係乜 ? 心照不宣啦!

    而且再培訓局(ERB)仲會提供埋每日153.8培訓津貼俾你, 可以話唔使俾錢讀書, 仲有錢收添, 仲唔單止咁樣, 而且這些QAS課程, 通常都係就業掛鈎課程, 所以仲會教埋你面試, 幫你揾埋工, 如果這個課程的機構和某一間物業管理或保安公司有聯系, 就會話埋俾你聽該公司的背景, 要求, 運作方法和想要乜粉野人, 使你面試更易過關, 還會用埋該機構的江湖地位來推箭你到該公司任職, 成功機會大增, 一舉數得.

    但ERB有個唔好處, 就係只收副學士或以下的學生, 假若你擁有大學學位, ERB就一定唔收, 除非你係傷殘人仕, 如果你欺騙ERB, 話你冇degree, 後果可以係被警察拘捕, 所以如果你係大學畢業生, 就要好似我咁, 每幾年就要自已俾錢讀QAS證書喇. 因為保安公司啲盤, 通常得2-3年合約, 所以我每幾年就要轉一次工, 讀一次QAS.

  • 10 年前

    QAS 有效期3 years

  • 10 年前

    1/.想問下如果讀呢個16小時課程,上課程序係點??

    答 : 在堂上講解有關保安員的職責, 工作範圍及工作上出現問題和解決方法等.

    2/. 係咪淨係係課室聽書??要唔要做實習??

    答 : 只是在課室聽書, 並沒有實習時間.

    讀完後呢張證書有效期幾耐??

    答 : 是永久的

  • 匿名
    10 年前

    現正進行一個有關就業調查網上問卷

    敬請各位能夠抽空參與此調查

    此問卷只花閣下5-10分鐘

    各下所付出的時間將會對此調查做成莫大的幫助

    https://spreadsheets.google.com/spreadsheet/viewfo...

    完成問卷後將會有專人聯絡, 提供工作機會介紹

還有問題嗎?立即提問即可得到解答。