? 發問於 政治及管治軍事 · 10 年前

想修讀國防、軍事,請問各位有無suggestions?

一直想讀國防、軍事,請問各位有無suggestions?

小弟一直對熱愛軍事知識,但中學期間苦無機會接觸,加上香港未有類似科目就讀。

現已22歲(工作中),學歷只有中5+大專(修讀資訊科技HD)。

中、英文良好。

軍事知識自問只懂皮毛,多從書本、雜志及互聯網習得。

但興趣十足,不介意從頭學起。

不介意海外報讀,甚至可以到大陸或台灣就讀。而且希望可以持續進修。

希望各位可以比意見、提議小弟,有什麼國家的學院、學系可以讀。

小弟愚昧,只知加拿大、美國、英國國防學院不錯,但不知能否給我這類無經驗的外國人修讀。

如果大陸修讀的話,我怕資訊限制的關系,會影響學習。不過本人對中國國防十分有興趣研究。

其它亞洲地區,又會否有可能呢? 例如台灣、新加波、日本等等

學費方便我會自已想辨法,但希望有預算得知。

感激萬分!

更新:

steventtw20 多謝!

不過我唔單想做一個愛好者,我想學會後從事相關行業工作。

而且因為中國的軍事學院,未必肯收香港人..

4 個解答

評分
  • 10 年前
    最愛解答

    樓主先要搞清楚一個問題,你想“修讀國防、軍事”有兩個意思。如果你直情想入讀軍事學院,已經係講緊要當兵,而且仲要唔係做普通士兵,而係要成為軍官(Officer)。一國軍隊之軍官係軍中精英,所以任何一國既軍事學院只會收本國人民入讀,唔係求其一個人都讀得。雖然某啲大國既軍事學院的確有外來生,但呢類外國學生通常係母國都已經係正式軍官,出國受訓只係為左學學外軍經驗而已。樓主如果要讀外國軍校,除非你係該國國民,否則應該無機會。

    至於另一個意思,我估樓主係指將軍事作為一個興趣,並希望了解更多。不幸既係小弟從來未聽過有任何國家既院校有純軍事研究讀,最多都只係於歷史系中讀戰爭史。如樓主好似小弟咁係一個軍事愛好者,其實只要你識揀,多睇雜誌、書籍及網頁已經可以令你大開眼界。公共圖書館有大量質素極高既軍事讀物,多睇保証你既軍事知識以幾可級數增長,剩係留意漢和及軍事家等雜誌就肯定可以得到大量新知。如果樓主對睇書有興趣,台灣麥田出版社及星光出版社都出左大量優秀軍事書籍,絕對應該多睇。

    講幾句題外話。係香港以軍事作為愛好係一件苦事,因為你幾乎無法與他人分享你既心得。而且要研讀軍事著作需要大量時間及精力,有機會影響你其他社交生活。所以將軍事作為一門消閑既興趣即可,最重要係你要知道自己對邊方面有興趣,然後多花時間鑽研,如此你一定會大有得著。

    2011-01-29 19:45:47 補充:

    隔離意見版Chris兄提到法國外籍兵團,小弟知少少野,可以比樓主參考下。外籍兵團理論上乜人都收,年年都有萬幾二萬人去考,但成功入伍比率通常只有10%左右。有係外籍兵團服役過既朋友話部隊入面既生活如預期中單調,人工亦好低。係外籍兵團當兵既最大好處係可以入籍法國,不過由於外籍兵團係法軍精銳,如果真係要出任務,通常都係做埋啲麻煩乸渣野,例如去非洲某個內戰打足幾十年既小國維持和平等,是否值得就要靠樓主自己判斷。

  • 10 年前

    Chris兄,聽說閣下所提供的網址之網主,即法國外籍兵團服役中台灣人--小吳,因為在2009年一次任務中在海上遇上風暴而失緃,至今下落不明......據說外籍兵團已斷定他為戰死,因此不可能會有回覆各網友來信了。

  • 10 年前

    thx~!

    i am reading it!

  • Chris
    Lv 4
    10 年前

    見樓主好似都幾認真,相信都聽過法國外籍兵團,你可參考下列網址,如果網主仲有回覆網友來信,應該可以幫到你

    http://www.google.com.hk/url?sa=t&source=web&cd=1&...

    2011-01-29 22:57:59 補充:

    OMG!!!

    不過亦可令樓主看到從軍殘酷和現實的一面,小吳網主亦有提醒想加入的人要有這樣的心理準備,並說死掉還好些,殘廢了的話才是大問題

    另外他亦有提到「下年」(說的時間是2007年,即時說在2008年)入法國藉要考法文,他判斷自己待了這麼久最多都是3級,但合格要4級,起碼比法國的小孩還要好。比入法國藉更好的是服役15年有長糧,只是能不能在待在軍中15年就是了

    2011-01-29 23:31:05 補充:

    更正,應該是由2005年開始計起,即2006年就要考法文試.

    http://www.ffl.info/journaux/think20050627.htm

還有問題嗎?立即提問即可得到解答。