meilun 發問於 旅遊澳洲其他 - 澳洲 · 1 十年前

2/11-10/11第一次去澳洲有難題!!!!!!!!!

第一次去澳洲,預計會去8日,除咗悉尼之外,仲有邊個地方可以推介一下,因為我地想去多一至兩個地方,有冇好既行程提議呢?

每人既BUDGET HKD16,000.希望可以包埋機票同酒店,因為上網check過最平好似HKD6700(來回包稅項),而悉尼酒店心目中已經選好,每晚約HKD600,如果去其他城市係咪要坐內陸機呢?坐其他交通工具又驚side好多時間....但又怕會超出預算呀?!>.<''

只去悉尼又唔洗去8日咁多....今次大家真係要幫幫手哪~~因為我男朋友好難得可以放到咁多日假咋>.<,而今次仲係同佢既家人去喎,我唔想佢side咗呢次既大假呀~~~~

麻煩大家幫幫手吖^^

1 個解答

評分
  • 1 十年前
    最愛解答

    每人 16000 蚊 budget 真係好 tight... 因為澳幣實在太貴... 先扣除機票, 得返 9000 蚊 折合澳幣約 1250 蚊, 其實真係唔係好多... 正如你所說一晚酒店都 600 蚊 (80 蚊澳幣), 就算雙人房計, 住 7 晚咪得返 800 蚊 ?? 1 日 100 蚊澳幣... 邊度夠用 ?? 除非你好慳好慳, 否則真係好 tight你既 case 應該係咩都未買... 咁樣建議你考慮係咪一定要玩足 8 日先... 如果真係既, 咁樣就唔好搭咁多飛機, 亦唔好參考咁多好消費活動... 澳洲 d 入場費, 閒閒地 10 幾蚊澳幣一次, 車費又貴, 好襟計...悉尼最多停留 3 日. 1日市中心, 1 日市郊, 例如 Taronga zoo, 剩低 1 日睇你興趣, 另如去藍山國家公園咁啦...剩低既時間可以考慮去黃金海岸 2 日, 開因茲 3 日, 當然用內陸機啦. 你預算每程最少 70 澳幣. 而黃金海岸及開因茲的消費都幾高, 例如 one day tour 去大堡嶕都成 200 澳幣...建議你諗諗 budget 方面可否上調一下啦... 去玩唔好計到咁盡啦... 正如你所說, 一家人去玩, 冇咩咁既機會...

    買本旅遊書睇下, 你會清楚更多...

還有問題嗎?立即提問即可得到解答。