? 發問於 家庭及人際關係家人 · 1 十年前

埋黎幫下手

我今日去左旺角果d財仔...諗住借錢..我同佢講我冇身份證...冇糧單..佢話ok你上黎...上到去跟住田表...田完表叫我落樓下等...跟住上到去要我無啦啦比咩700蚊申請費..跟住佢比左個電話我同佢個同事係到傾700蚊既問題...講左一陣...我同佢講我唔申請佢話取消都要700蚊...跟住我無理佢...跟住就落番去...但係我d電話..同地址比哂佢...我最後一蚊都冇比佢..佢打黎我都話打錯電話...咁我依家應該點做...要唔要比番700蚊佢...佢會唔會有人上黎我屋企嫁...我咩都唔驚...係驚佢無啦啦走上黎夾我渣...我依家要點做..好迷網

佢靜係幫我田forn..話批左比你就要收你700蚊..我二話不說..我唔申請都係要比700蚊..我一蚊都冇收過佢..一蚊都冇比過佢..咁我就走左喇...我咩文件都冇幫佢簽嫁...佢會唔會走上黎/煩我屋企人嫁..我真係好驚..

佢要我比700蚊申請費 但係我冇比佢就走左喇...同埋我d財務朋友話..如果比左700佢..跟住會有手尾

Re:nataliepoon88 我係一蚊都冇比佢...我又一蚊都冇收過佢

3 個解答

評分
  • 1 十年前
    最愛解答

    你好!

    l 7-10年前,我都試過借邦民aeon等,但就冇你依家咁情況,就算我身邊有起碼5個朋友都有向呢啲財務公司借錢,都冇聽過啲咁荒謬嘅事!

    l 講真,其實一般出名,有信用嘅,如邦民嗰類,其實咪又係大耳窿,不過有牌咁解姐!佢地都係實行97-13歸架!即話就話借10,000,其實你實收只有9,500-9,800左右,一定唔會收足,並即刻開始計息!

    l 另外,每次咩轉賬提款之類,都會收返你咩20-25%手續費!總之巧立名目屈你錢,但最起碼佢地有條文清楚列明晒,唔會臨時有咩變卦!總之有點”有強姦冇局賭”之心態啦!

    l 但近年嚟,成日都聽到,依家d財務公司越來越過份!通常都係唔出名嘅,亦唔會賣廣告,多數以貼街招形式宣傳,並以無須審批及入息証明,而對象係一般師奶或老人家!

    l 其實嗰啲係一啲不法份子或一啲有黑社會,黑勢力人士開嘅!並非一竹犄打晒一船人,唔排除有啲真係正常做生意嘅,但少囉!所以我覺得,若真係想周轉,就應該搵d有信譽有保證嘅去借囉!

    l 好明白就係因冇入息証明,大型嘅財務公司根本借唔到,所以先去呢啲地方借!但講真,邊有咁荀,咁大隻蛤乸吖!

    l 以上資料,都係多年前睇警訊而得知

    l 直到有日撞返個朋友,簡稱dog!問佢依家撈緊乜,佢竟派卡片我,職位係咩財務公司投資顧問,dog佢中三畢業,英文26個字母都數唔齊!細問之下,原來就係做緊呢啲公司!其實,我仲有兩個朋友係做收數嘅,無論銀行壞賬又或真係大耳窿嘅都有做,淋紅油嗰種呢!

    l 我問dog,佢嗰間公司係咪嗰種呃人嗰啲!佢話係,並解釋清楚係咩一回事!唔知會唔會同你呢間一樣呢?

    格局 : 多數都係一間好細兼好簡陋嘅寫字樓,當然,有啲可能會落重本裝修

    員工 : 大部份都係啲金毛仔,總之冇制服著,同一般正常財務公司唔同

    宣傳 : 多數貼街招

    賣點 : 無須入息証明,住址証明,唔駛批核,填完表即過水

    對象 :專針對做老人家或學生或師奶客,有d師奶可能因打牌或買股票蝕左,唔敢比老公知,於是咪膽粗粗問嗰啲借囉!但又冇入息証明,咁點算呢?

    目標 : 有啲唔係為賺你利息,由頭到尾都係騙局,呃嗰一千幾百嘅手續費而已,根本冇錢借,就算你比左錢,佢都可大堆原因話公司唔批並且冇得退回等等!

    手法 : 由上到去公司,會有人貼身跟住你,氹你填表,並要先交錢,話係填表費行政費等!若然你唔肯借或唔肯比,啲金毛就會行埋嚟凶你,恐嚇你,通常啲師奶或老人家為息事寧人,拿拿聲放低錢就走,但若遇著啲後生嘅,恐嚇不遂,就會落閘並捉你入房,幾個金毛圍住打鑊金嘅,直到你放低錢為止!fat dog話,有個客話冇錢,落街噤機,而佢地亦會跟埋落去噤機,唔駛指意用呢招甩身!

    l 無論警訊(案件重演),電影(收數王,黃秋生主演的),或雜誌(時事版專訪),統統都有提及此騙案!

    我的建議

    1) 第一,若然冇借到,點解要比先,所以你唔比係冇問題架,就算佢係一間正常公司都好,都告你唔入,因由頭到尾都冇交收過錢,一個仙都冇,所以根本冇須要比!何況佢填表後先講,你話要一萬都得架啦!

    2) 再者,根本就係dog嗰種公司,有咩可能填表後,叫你落街等!正常嘅公司,最多咪叫你坐埋一邊,等佢地批核或處理文件,但又話唔駛批核,咁叫你等乜姐,仲要落街等,好怪囉!

    3) 唔知點解佢會比你走啦,由於dog話通常一定會比所謂手續費,冇講過若唔比會點!不過,你都話佢有打過電話比你,所以唔排除有可能會上門搔擾,因此,我覺得依家可先去差館報警,備案!

    - 若差館唔受理,就問警方應點做

    - 之前諗過,若唔係太密又或依家冇再搔擾你,都可唔報住!但諗諗下,到時有事發生先至報的話,對方可會反駁,隔左咁耐,邊關我事,係咪你出面得罪人而引致!

    - 但依家報定先,日後有咩衣郁,佢就走唔甩啦!

    - 另外,由依家開始,若再打嚟,最好就錄低佢作証供或以備不時之須!

    4) 但仲有一點担心嘅係,話之佢係正常或非正常公司都好!由於你有簽到名,我怕張表格上列明左,無論借到與否,只要客戶一填表以及簽名後,就一定要比呢筆手續費!咁到時你就一定要比!

    注意

    a) 唔好亂提供個人資料,更加唔好亂簽名,若佢係正當嘅,當審核過程,發現資料有問題時,佢自然會要求你報過架啦!到時再睇情況,總之,唔好亂比個人資料

    b) 唔好亂跟人上公司,可於電話查詢清楚先,若覺得唔妥,如成日叫你上公司先講,咁就好收線!

    c) 唔駛入息証明都算,若仲要唔駛身份証的話,就一定有問題!

    以上有好多野係你冇問,但我照講,因我想提醒其他朋友,日後遇上呢啲情況要小心,唔好中招,所以…!希望你唔會覺得我多事八卦啦!

    希望以上資料幫到你啦!若有咩問題,可隨時電郵比我架!

    sickysticky@yahoo.com.hk

    Winnie Lee

    資料來源: MYSELF
  • 1 十年前

    ----銀行低息貸款-----

    低息‧特快‧專業 用心為你服務~!

    本人在銀行任職私人貸款業務代表,憑著本人在借貸上豐富的經驗

    已在 網上 為很多網友成功借貸並爭取特低 優惠利率 及解決各網友不同種類o既財務問題!

    由於在 討論區 關係,所以唔放便留公司名,敬請原諒!

    我們公司現在有個最新低息貸款計劃,息率低至每月平息 0.28%

    ( 現金 ) 貸款額特高,最高可達 80萬!

    一經批核直接存入您指定的銀行賬戶

    無論低息清卡數清, 現金週轉, 結餘轉戶安排 , 投資, 交稅,創業,買車,家居裝修,旅遊等等...均可~!!!

    專業個人信貸分析

    還款期 6 至 72 個月任您選擇

    申請手續簡易快捷,一站式專人跟進服務,無須親臨分行申請,免卻一般繁複手續!

    如果你有難題,即管打俾我,我想以我對呢方面o既知識去幫助有需要既人!

    就算幫唔到您,都會提供番專業意見比您!

    Tel:6675 0756 李小姐

    銀行私人貸款 Tel:6675 0756 (朝9-晚12) 李小姐

    歡迎查詢各類貸款 E-mail : followloan@yahoo.com.hk

  • 1 十年前

    if he 走上黎煩your屋企人 or he phone you again just tell him if you do that again I will call police

還有問題嗎?立即提問即可得到解答。