室內設計行業的行業細節一問

(1)室內設計行業的平均人工(ex設計助理,設計師設計總監)

(2)區地升任職位的所需條件,時間

(3)室內設計行業前景如何

大家不妨分享下經驗

1 個解答

評分
  • 1 十年前
    最愛解答

    一般設計助理起薪8k-15k視乎經驗以定,設計師起薪20k或以上,設計總監30K以上,起碼10年工作經驗或以上。

    至於室內設計行業前景,我個人認為會趨向設計同工程更清晰化,現今,大部份室內設計公司,其實係工程公司,雖然以室內設計掛名,但多數以造工程為主要收入,設計根本談唔上,但係隨住客人開始有較高既追求,以前只有一D較大既別墅同豪宅,會個別請設計師設計,依家一D中階層嘅客戶,都會請設計師設計,可以見到D示範單位(800-1500呎)都會請D名師設計吓,其實係一件好事,多年來設計同裝修工程都搞不清,設計師嘅專業地位,比起其他專業(如律師、醫生、建築師及工程師等)都好似低咗好多,最主要係俾人覺得設計好似好不實際,你隨便揾個裝修佬造都得,關鍵係你肯俾多D就揾設計,想慳就揾裝修佬,設計專業一直未被認同。但開始客戶明白及需要追求,純設計嘅公司開始多,尤其年輕一D既設計師,都只以提供設計為主。

    當然,現階段只屬雛型,仍未成熟及普及,但我相信呢個模式會普及,就好似外國醫药分家,將來客戶會先找設計,再找施工,不一定係全包宴形式,所以室內設計師嘅地位及前景都係好嘅,不過,當專業地位提高,專業人員嘅操守,亦需注意,現今並未有任何法規、監管及評審有關專業,有既只係一D設計協會每年攪吓D頒獎,只係D小圈子遊戲,而且,現在設計師水平,確實參差好大,所以真正前景好唔好,其實好睇行內人自己點玩,當然,經濟前景亦好重要,畢竟,呢樣都屬高消費品。

還有問題嗎?立即提問即可得到解答。