匿名
匿名 發問於 商業及金融其他 - 商業及金融 · 1 十年前

開會計公司

大家好,

本人在四大會計師做了五年, 現在想找新出路, 又唔想打工, 想問一下, 如果自己開一間會計公司幫人做帳, (1)要有什么準備; (2)收費如何決定; (3)如果找客戶?

謝謝.

4 個解答

評分
  • Anchel
    Lv 7
    1 十年前
    最愛解答

    先確定自己公司的服務範圍及客戶. 細的會計師樓(亦有會計公司)有很多競爭對手, 包括其他細會計師樓及律師樓(com sec). 很多會鬥平搶客, 我見過每月$1000全包(會計、審計、com sec及報稅等)的會計公司, 但要考慮這樣的價錢會否真的影響專業水平.

    細會計師樓主要客戶是中小型有限公司, 你要了解一下他們為什麼要選擇某間會計師樓, 有些會因為熟人介紹, 有些會因為識你而選擇你, 有些會因為你間公司做得好服務多, 有些因為你平而選擇你, 有些會登廣告請核數師, 但當然你要衡量過係唔係值得做. 香港不乏細會計師樓的老闆是做過Big4, 所以好好想想自己公司有甚麼特別之處.

    收費方面, 有些公司會視乎client公司的turnover決定, 但最主要會根據公司規模及複雜性去決定. 細會計師樓一般不會收太高audit fee, 大約四位至五位數字, 費用就要你自己同個客再詳細講.

    當你確定好服務範圍及確認會有一定客戶後, 先打探更多詳情(例如物色選址、HKICPA的規定、辦公室設計及裝修、租金、請幾多人、其他支出、fixed assets等), 然後做一個預算, 預算你大約未來1年的收入. 如果覺得做得過, 就準備好開店前手續, 例如租鋪、裝修、商業登記、登廣告請人等. 大約1-2個鋪位的細公司唔會請好多人, 一個admin, 4-7個auditor, 一間公司大約差唔多10個人.

    做細會計師樓老闆好多野要一腳踢, 不限於只係見客及check audit work, 成個audit programme都要你負責, 所以好多野要跟, 例如點做engagement letter、點plan audit、點設計audit testing等.

    2009-11-10 08:31:56 補充:

    人工方面可以參考一下job ad., 不過多數都唔講. 你可以去下大學及大專院校招聘網站睇下人地開咩價, 不過多數只限教職員瀏覽. 做Admin一般會由經驗較多的人做, 因為不但要負責做debit note及公司雜務外, 亦要負責少量會計工作及文書工作, 所以我見過有幾間係搵年紀較大的人去做. 細會計師樓的Auditor預左要做雜務, 因為細firm唔會好似big4咁明細分audit、tax及advisory, 所以做full-set、填稅表、聯絡assessor及annual return都要做.

  • 1 十年前

    先確定自己的客戶群先~~

    我知道好多會計師都會搵一D商務中心拍, 因為佢地有自己GE客戶群, 而大多是小型公司~~做數簡單, 不過客戶多~~如果佣金吸引, 佢地轉介客戶自然會多~~

    一開始, 你無需辭左份工去做, 你可以去一d商務中心度申請一個虛擬辦公室服務, 價錢約150~250蚊一個月, 有秘書同你接電話及留言。 你可以要求佢地同簡單咁介紹你公司。另外開一個網站, 吸納新客戶。如果反應好, 再辭職去做都得....

    資料來源: www.ubizcentre.com
  • 1 十年前

    你好

    幫人做帳的人好多,所以係離職前除開了商業登記外,你仲要做先有一些客係手,客人的來源你可靠網上廣告找,找跟一些商務中心合作,

    價錢方面你可參考外間的價錢,

    創盛商務中心

還有問題嗎?立即提問即可得到解答。