Yahoo 知識+ 將於 2021 年 5 月 4 日 (美國東岸時間) 停止服務。從 2021 年 4 月 20 日 (美國東岸時間) 起,Yahoo 知識+ 網站將轉為僅限瀏覽模式。其他 Yahoo 資產或服務,或你的 Yahoo 帳戶將不會有任何變更。你可以在此服務中心網頁進一步了解 Yahoo 知識+ 停止服務的事宜,以及了解如何下載你的資料。

唔知點寫喜帖稱謂

我同男朋友兩家的父母己離婚, 我的爸爸會出席我們的婚宴, 男朋友的爸爸唔會出席, 我們的喜帖應以我們的名義發出, 定係以媽媽的名義發出?

以下D親戚, 稱謂唔知點樣寫:

女家 :

1. 婆婆2.舅父(媽媽D呀哥同細佬, 有D有仔女, 有D只係得舅父舅母兩人)3. 姨姨(媽媽D妹妹, 有D得姨姨同姨丈兩人, 有一個姨姨已離婚, 有一個仔)4.爸爸 (要否派帖?)5.麻麻6.姑媽,姑丈7.表姐(姑媽個女,已婚,有仔女)7.表哥(姑媽個仔,已婚,有仔女)8.叔叔(爸爸最細的細佬)及女朋友9.媽媽D朋友10.我D朋友(如有D已經結婚, 我想請埋佢老公, 但我同佢老公唔係咁熟, 應點寫?)11.伴娘

男家 :

1.哥哥及女朋友2.表哥(姨媽的兒子,已婚,有仔女)3.姨姨4.朋友5.媽媽D朋友6.自己D朋友7.伴郎

2 個解答

評分
  • xyz
    Lv 7
    1 十年前
    最愛解答

    其實呢個世界都係出錢的話事,如果由雙方父母出錢擺酒,咁當然由父母出名發帖啦!

    如果自己出錢擺酒,父母的親友唔多,咁就由新人出名發帖啦!

    不過,為尊重父母在親戚朋友間有面子,所以大部份人由自己出錢都用父母的名義發帖的!

    你地情況特別d,父母雖然離婚都仍然係自己父母呀,本來用父母名義發帖係無問題,但如果佢爸爸唔出席,又無可能用佢爸爸名義發帖喎,咁你爸爸有出席又唔可以只用你媽媽名義發帖呀,如果兩家父母又各自再結了婚就更複雜了!

    所以為免d關係搞不好,最好由你地兩個新人出名發帖咯!

    如果由你地新人名義發帖,親戚的稱謂都簡單清楚d了!

    不論任何女性親戚,已婚的只寫丈夫名字,單身的才寫她的名字,未成年子女從屬父母不必發帖!

    女家:

    婆婆=外祖母大人,

    舅父=大舅父某某某先生,夫人 二舅父某某某先生,夫人 三舅父某某某先生,夫人

    已婚姨姨=大姨丈某某某先生,夫人, 二姨丈某某某先生,夫人,

    單身姨姨=三姨某某某小姐,或女士

    因為你們出帖,所以爸爸都有帖,寫父親大人ok!

    麻麻=祖母大人,

    已婚姑媽=大姑丈某某某先生,夫人, 二姑丈某某某先生,夫人,

    單身姑媽=三姑媽某某某小姐,或女士,

    已婚表姐=表姐丈某某某先生,夫人,

    叔叔=二叔某某某先生,三叔某某某先生,

    未婚女朋友要另帖,某某某小姐,

    伴郎伴娘同其他朋友寫先生小姐或女士啦,仲要我講咩!

    再講多一次已婚女性朋友都係寫佢老公名加先生夫人,唔理識唔識佢老公,中國禮法係咁,除非唔請佢老公就只寫乜乜小姐!

    男家都差不多啦!

    一個哥哥=家兄某某某先生,

    幾個哥哥 =大哥某某某先生,二哥某某某先生,

    未婚女友另帖某某某小姐,

    其他親戚朋友都同女家一樣咁寫法啦!

    請兩夫婦只寫"先生,夫人",就ok,請埋仔女就加上"合府統請"了!

    其實你以前去飲都見過d帖係點寫咯, 或者你無留意唧,寫得咁詳細應該都好明白啦!

  • Apple
    Lv 6
    1 十年前

    我們的喜帖應以我們的名義發出, 定係以媽媽的名義發出?

    隨便你哋,冇所謂架,不過用你自己名義好啲。

    女家 :

    1. 婆婆=xxx外祖母大人或外祖母大人xxx女士,自稱外孫xxx。

    2.舅父(媽媽D呀哥同細佬, 有D有仔女, 有D只係得舅父舅母兩人)=舅父xxx先生夫人,(如有兒女可以加闔府統請),自稱甥xxx。

    3. 姨姨(媽媽D妹妹, 有D得姨姨同姨丈兩人,

    有一個姨姨已離婚, 有一個仔)姨丈xxx先生夫人(因為阿姨已經嫁人,所以要以姨丈姓名行先),自稱姨甥xxx,但已離婚嗰個姨姨=姨母。

    4.爸爸

    (要否派帖?)可以發嘅,但係而家好多愈都唔興,如果你要發就寫父親大人

    5.麻麻=如答案1,只係唔須要加外孫個外字。

    6.姑媽,姑丈=姑丈xxx先生夫人,自稱內姪。

    7.表姐(姑媽個女,已婚,有仔女)=表姐夫xxx先生夫人,加闔府統請,自稱表妹xxx

    7.表哥(姑媽個仔,已婚,有仔女)表兄xxx先生夫人,加闔府統請,自稱表妹xxx

    8.叔叔(爸爸最細的細佬)及女朋友呢度要分開寫:叔父xxx,自稱姪。佢女朋友=xxx小姐。

    9.媽

    媽D朋友=xxx姨姨,自稱世姪女。

    10.我D朋友(如有D已經結婚, 我想請埋佢老公, 但我同佢老公唔係咁熟, 應點寫?)xxx先生夫人,自稱妹。11.伴娘=xxx小姐。

    男家 :

    1.哥哥及女朋友=兄xxx先生,女朋友=xxx小姐。

    2.表哥(姨媽的兒子,已婚,有仔女)表兄xxx先生夫人,加闔府統請,自稱表弟xxx

    3.姨姨=姨母。

    4.朋友=先生或小姐。

    5.媽媽D朋友=xxx姨姨,自稱世姪。

    6.自己D朋友=先生或小姐。

    7.伴郎 =先生或小姐。

還有問題嗎?立即提問即可得到解答。