長笛高音位問題

我吹長笛果陣 d高音位 一時吹到一時吹唔到

仲未可以完全咁自己控制吹高音定低音

點樣先可以熟練地好控制?

我之前有學過alto sax先既

之後再學cl

我學長笛是自習的

更新:

yamaha211

高音會夾緊D

低音既時候冇咁緊

但係我有咁做 點解唔控制到?

更新 2:

仲有 岩岩學應該吹咩歌練習?

更新 3:

我想問下 自學係咪真係冇咁好

如果叫d有學過既人教我會唔會好d? (果d人唔係老師)

因為搵老師好貴 (本身家庭狀況唔係太好)

另外係咪要完全咁控制晒所有既音

先去搵譜練習?

咁要搵譜 應該要搵咩譜練習會比較好?

(根本上大部分指法我都記得晒

禁制方面唔係一個問題

只係控制高音同低音果面太大出入

想吹高音吹左低音

當想吹低音既時候又狂吹高音 <--情況滿嚴重

我係23/10果日問人借支長笛黎吹既

番到屋企自己上網搵指法表

同埋打電話問下應該點樣吹響支野

同埋我吹既時候好太風聲

雖然而家吹出黎既風聲冇之前咁大

但係都係好明顯咁既到風聲

咁呢d係咪只要練得多就會改善)

更新 4:

其實我最怕既問題就係

一路吹錯方法咁學落去搞到第時改唔到

CL本身我都係自學 但係有sax底

所以都聽得出d音岩唔岩

但係FL好難聽得出D音岩唔岩)

2 個解答

評分
  • 1 十年前
    最愛解答

    吹長笛要吹得好,首先要了解基本概念,然後就要一面吹一面諗到底係咩問題唔出到聲,然後real-time控制嘴唇既形狀同肌肉鬆緊去控制。

    你既問題主要係用錯左方法去控制D音,又無老師講比你知幾時對幾時錯。

    基本概念方面,首先要知道以下三點,唔係點練高音都唔會好。呢三個概念大部分老師都理解錯,又或者理解但講唔清。

    1. 要知道無論吹高低音,嘴唇都有***三度力***同時存在。一種係好似將&amp;rdquo;pee&amp;ldquo;時**嘴角**向橫拉的力,另一種係好似講&amp;ldquo;於&amp;rdquo;時,嘴唇**中間部分**向中間靠攏的力。第三種係嘴角向下拉,好似做:(表情時既力。

    2. 吹氣角度好影響聲音出唔出到。吹高音時氣係向***下***吹,唔係向上。大部分老師/教科書都誤解左呢樣野,所以教你要向上吹,然後搞好耐你都吹唔響。

    3. 低音吹得好好,高音先會好,理由係高音個嘴形同低音***非常***接近,只系略略改變上述三度力既balance,就能夠好容易咁控制吹唔同既音。情況好似扯大纜咁,有時A隊大力D, 有時B隊。但吹長笛時,係三隊一齊扯大纜,三隊都要用力,但吹唔同音,三隊人所用既力唔同。

    由於你吹高音時剩係夾緊D,無控制三度力既平衡(亦唔知道點樣調校),加上夾緊D無控制到空氣既角度,所以會時響時唔響。

    至於點樣控制三度力既平衡同幾時、邊個音邊度力大D,要有了解呢方面既老師根據你既情況逐個音同你執先得。

    長笛要吹得好,最好唔好自學。以下係我既演奏,有興趣可以參考下:)

    2009-10-24 22:06:19 補充:

    1. 要知道無論吹高低音,嘴唇都有***三度力***同時存在。一種係好似講英文字母P時**嘴角**向橫拉的力,另一種係好似講中文字"於"時,嘴唇**中間部分**向中間靠攏的力。第三種係嘴角向下拉,好似做:(表情時既力。

  • 1 十年前

    請問用ge 長笛型號係......?

    咁我調轉問:你認為長笛(or CL)吹高音同低音時,口型有什麼分別?

還有問題嗎?立即提問即可得到解答。