瑪沙醫學美容的激光永久脫毛唔掂,好多嘢想問你地?

我就從頭說起吧,我是08年12月參加左瑪沙的激光永久脫毛療程的,我只係想脫光d鬍鬚(上唇、下巴),我去之前有打去問,係個男人聽,佢講得好唔清唔楚,問左好耐先知約要萬幾蚊左右,可能個男人想我去到先事,唔想係電話到講實個價,約左時間去到之後,佢地就比左份表我填,有好多嘢填,不過我係呢到只係想講少少部份,要填月入多少,同想脫邊個位,月入我填了8000,想脫邊個位,我就只填了鬍鬚個d位,咁交返份表比佢地之後,就開始同佢地講關於價錢方面架嘢,同個療程,開頭佢話要成2萬幾蚊,我就話我打黎問,有個男人講個價錢,唔洗咁多個喎,跟住佢就話個個男人講個個係學生價,(我不是學生),跟住佢係我十五十六個時就話,咁個男人都話比個學生價比你,咁我無理由唔... 顯示更多 我就從頭說起吧,我是08年12月參加左瑪沙的激光永久脫毛療程的,我只係想脫光d鬍鬚(上唇、下巴),我去之前有打去問,係個男人聽,佢講得好唔清唔楚,問左好耐先知約要萬幾蚊左右,可能個男人想我去到先事,唔想係電話到講實個價,約左時間去到之後,佢地就比左份表我填,有好多嘢填,不過我係呢到只係想講少少部份,要填月入多少,同想脫邊個位,月入我填了8000,想脫邊個位,我就只填了鬍鬚個d位,咁交返份表比佢地之後,就開始同佢地講關於價錢方面架嘢,同個療程,開頭佢話要成2萬幾蚊,我就話我打黎問,有個男人講個價錢,唔洗咁多個喎,跟住佢就話個個男人講個個係學生價,(我不是學生),跟住佢係我十五十六個時就話,咁個男人都話比個學生價比你,咁我無理由唔比你架,學生價左都要成一萬五千幾蚊,只係做上唇,下吧個d位,被錢前我有問佢要幾耐脫一次,同脫幾多次先會永久唔會再出,佢話脫8,9次基本上都掂架啦,又話無客試過做足一年都唔掂,同被錢前我有強調講過要脫清,唔係想脫得(希sor)d,要全脫清,我個療程係做8次(加一年保養),意思係可以一年任做,而在這和我講關於呢個療程,收費問題架人,在這我先叫她做a小姐,我是分4次付錢的,只係做第4次時就要付光全費了,而呢位a小姐係我去做頭4次都在店,有同我吹下水,問下我覺得點之頪,但之係第5次之後就完全沒見過佢她了,而現在我巳經係做到第9次了,但老實說,跟未做之前是一點分別都沒有,其實做到第8次個時,我巳有問佢(個女治療師,唔係a小姐),點解做到第8次但都同未做之前一樣,跟住佢又話要問經理,之後又話經理開緊會,話下次先答我咁話,咁我今日去做第9次,咪問佢點解會咁,咁個女治療師,就搵左第二個我未見過架人同我講,她又話我d皮膚乾,又話10個客,9個客做到第9次巳經搞掂,又話唔可以開咁高度數,驚整傷你d皮膚,
又話開得太高會整到你塊面有(巴狠),又話我係咪無做保濕,又話要做多d,要日日做保濕,總之講到所有嘢都係我呢個客人錯咁,個刻我都好無奈,之後佢話做左呢次(第9次)睇下點先啦,之後我就走了。

事後感想:我覺得瑪沙個班人欠溝通,做第1次個時個女治療師問我係咪脫清定點??我之前巳經同a小姐講過,佢地好似無溝通過咁,同份表格問人做咩工同月入多少,基本就同個療程無關係的吧,
問黎做咩?我覺得個個人收費未必會一樣,佢開頭開個貴個價錢,你唔行,佢就減價,令到你以為佢地有讓步架感覺,之後就會join左佢地個療程,我join個脫毛療程(上唇、下巴),一萬五千幾蚊,我依家都好後悔,除左因為做左9次同未做之前一樣之外,就係佢地依家$9800就可以做到個療程仲要多左面毛呢一樣,我無得脫面毛但都1萬5千幾蚊。

希望你比d意見題:我都做左9次,但一d成效都無,我計過,我可以做多8次左右吧,如果之後我都係3個星期做1的話,但諗都諗到,如果佢部激光機係得,做左9次點都會有d成效啦,我覺得再做多8次都係一樣無可能會掂。

問題一:我可唔可以要佢地1個星期幫我做1次,因為怇地話明(1年保養)
問題二.如果做左1年都唔掂,我去消費者委員會度投訴佢地,你地話結果會係點????
更新: 我覺得瑪沙d人好吹水羅,10個9個得,點解我會一d都唔掂,分明吹水,又好似講到就算個療程唔掂,都唔關佢地事咁,最討厭就係佢地係未join個療程之前就咩都吹得出,講左d嘢又做唔到,咩都怪個客,好唔討責任,個a小姐收錢個時就識出現,之後鬼影都無,行定係驚我問佢點解做左8,9次,但同之前怎麼會完全一樣的之頪的話..........,1萬5千幾蚊唔係少數目,我會儲好耐,佢地浪費左我d錢之外,仲有時間,比d假希望我,我一定會追究到底羅...
更新 2: 我係男仔,因為瑪沙話係首間幫男仔做激光脫毛的美容院,所以咪會選左佢地羅,咁你講個有冇嗅到燶既味道?又或者電電地既感覺~?
係有呢d感覺羅,佢話過第1次個時廿幾度,第8次個時三十幾度,
佢又話咩唔係只係講個度數,d密度,頻率都有關係,話講你都唔會明,
第9次我問佢地用左幾多度,個女治療師就唔講,講第二d黎唔答,
更新 3: 其實我有一個想法,唔知佢地會唔會故意把度數教到好低,等我1年
都脫唔清,之後再叫我join療程,因為我填表個時,只選了只想脫
鬍鬚個d毛,如果1年我d毛無再生,佢地就無得再吸水,所以故意唔比我得,
你地話有無呢個可能性???早知我填表個時選咩毛都想脫啦,咁依家佢地
可能會好認真咁幫我做,幫我搞掂,因為搞掂左之後,我仲有其他位比佢地脫,佢地就可以再吸水....
3 個解答 3