Lin 發問於 科學及數學工程學 · 1 十年前

這樣的漏水測試是否公平?help!!!

我家曾經多次漏水到樓下,

但我家現已完成所有該做的防漏工程,

樓下業主請來評量行人員到我家試水,亦沒有發現漏水跡象,

可是樓下業主還是咄咄相逼,

要求作濕度測試,

結果濕度頗高,

想請問,剛做完一個多小時的試水程序就立即做濕度測試是否會造成不公平的結果?

(因為跟樓下正在進行訴訟程序,不排除樓下業主故意挑剔)

更新:

如果我想駁回樓下的濕度報告,有什麼方法嗎??

更新 2:

我家已成功通過了試水(有顏色水)的程序了...證實是沒有半滴滲漏!

可是,樓下的業主卻不肯罷休,要在積水試水測試後立即做濕度測試,

我質疑這是不是公平的,因為當積水一段時間後,無論有多好的防漏工程,也難免會有濕氣罷? 而且當日相對濕度亦達90%,他這樣做是否有點不合理呢?

4 個解答

評分
  • 1 十年前
    最愛解答

    你係咪厠所浴室漏水到下層單位.....我以前係房署做防漏測試係.....響厠所浴室封咗D去水位養水1日...睇吓下層單位有無水印出現或舊水印好濕....如果無就冇事....

    用濕度錶測...好揾笨...專業唔會用...

    其實最好測試方法係揾專業測試漏水工程公司(係用紅外線睇有無裂行係你厠所浴室至到下層單位)

    注意 : 漏水可能由外牆裂行做成...

  • 1 十年前

    唔係公唔公平嘅問題, 係有冇理據嘅問題.

    漏水就係漏水, 就算試完水之後立即做濕度測試, 或者試完水十日之後做測試, 結果都應該一樣, 漏就漏, 唔漏就唔漏. 你同佢拗都冇用, 最好由專業人仕或法庭決定, 漏水嘅定義係乜嘢.

    你今次唔好彩試完水之後濕度高, 咁究竟濕度高係咪由你漏水引致都唔知, (請問點樣度濕度?), 同天氣有冇關又唔知. 就算今次好彩濕度唔高, 如果佢條氣唔順, 佢又可以測水嘅分子(H2O)高唔高, 咁胡亂測試係咪工程界嘅標準先. 濕度高唔可以證明係你漏水引起, 可能佢屋企煲老火湯引起都得.

    萬一今次漏水測試合格, 將來再有機會漏水嘅時候; 都係由你負責, 樓下屋主都無需擔心.

    資料來源: 工程界人仕-我
  • 1 十年前

    就你所說, 其實你無需太擔心, 第一你剛做完防漏工程, 如果萬一真係仍有問題, 應該找防漏工程公司處理返, 佢地先係專業嘛, 問我地其實都無辦法知道標準.

    第二, 用咩測試方法, 點至公平, 亦可徵詢防漏工程公司意見, 因為有人質疑佢地的工程質素.

    第三, 拖埋物業管理公司落水, 雖然係你問題機會較大, 但亦可能漏水由其他住戶引致, 要物業管理公司做公證, 或由物管同你溝通, 無理由沒完沒了的受樓下的人困擾, 你都有交管理費嘛

    第四, 之前漏水, 相信你都有賠過錢, 到底當時翻修工程規格是否做好? 由物管/樓下業主/保險公司監管? 他們都應就現象解釋, 可能之前仲濕, 所以再發出來.

    你用左咁多錢, 無理由要擔驚受怕, 除非......

    最後, 漏水試驗, 最常見的是用"責"水的方法, 一定要用有顏色的水, 注落地面一定深度(例如 1cm), 廿四小時, 睇水位, 和下面有無顏色滲水, 另外經常忽略的是去水部份, 去唔到水, 防漏工程再好都有機會因儲水而滲漏, 又或者根本就係去水位漏水, 咁就要對症下藥.

    濕度測試, 要先做一次作參考, 你做完色水測試, 幾日後再測, 就知有無加到濕, 即刻度唔知架喎. 請留意, 如果個多小時後度濕度, 而讀數是比試色水之前高, 咁你唔只滲水, 真係漏水喎(因為無咁快加到濕), 你快 d 拿那結果同你的防漏工程公司傾, 睇下係咩問題, 要佢搞清楚啦.

    2009-03-23 12:03:30 補充:

    當然樓上位大哥辦法都好先進, 但唔會平, 而且你咁基本的試色水, 度濕都唔 pass, 剩返落黎的野, 係咪應該由你的防漏工程公司搞返掂呢? 都係這一句, 你既然花了錢, 其他的交由專業人員做啦.

    2009-03-24 00:14:31 補充:

    我相信班"工程"和"房署"人仕一定未見過濕度測試, 其實這裡講的濕度測試, 唔係 fing 冷氣佬用的乾濕表 或者天文台度的"大氣濕度"; 而係專業的吸濕程度量度, 測量石屎的濕度. 所以我話"有無加到濕, 唔會即刻知".

    要拿樓下做的濕度報告, 就要搵物管做中介, 好彩的話, 希望佢真係做"大氣濕度", 搵左"工程"和"房署"人仕幫佢手度, 咁你就安心啦. 專業測漏, 你真要的話, 請參考

    2009-03-24 00:15:09 補充:

    網址 http://waterseepage.org/leaktest.htm

    資料來源: , 我係電氣佬, 我係電氣佬
  • 1 十年前

    衷心的感謝你的解答

    如果我想駁回樓下的濕度報告,有什麼方法嗎??

還有問題嗎?立即提問即可得到解答。