匿名
匿名 發問於 家居與園藝裝飾及裝修 · 1 十年前

裝修後遭樓下投訴他的浴室天花滲水應怎辦?

剛剛裝修後,我個浴室由浴缸改作企缸,卻遭樓下投訴他的浴室及睡房天花滲水應怎辦?若遭樓下索償,要賠些什麼?大約多少$$$$?

我只約略知道樓下住有大約5-6人,住了約7-8年,本座大廈樓齡也有十多廿年;他的浴室天花滲水不知從何時起?怎樣能找到滲水的源頭及證據?

他的浴室天花滲水是不是一定會關我事?

更新:

管理處懷疑係我個企缸漏水導致樓下天花滲水.....

註:其實樓下天花滲水位置係離企缸位約2-3呎,離外牆約3呎,

***所以都有懷疑係大廈外牆滲入!

問題1:樓下個滲水由何時起?(因為我屋企日日沖涼)

問題2:有時日日落雨,最大雨ge時候都唔會滲水???

anyway點都好,如果發現係我個單位問題,咁維修費同樓下ge賠償,家居保險有冇得賠?

更新 2:

都有懷疑他們的浴室天花防水做得不好,導致濕氣積聚.......

2 個解答

評分
  • 1 十年前
    最愛解答

    首先原因可能是你改裝時損壞原有之防水層引致清況出現,加上水會流動的,因此離2-3呎亦屬正常。

    處理方法:首先通知食環署做實地測試,即到樓下天花滲水位估試水測驗,證明滲水及滲水程度(例如是短期滲水或是長期滲水等)。其後通告保險公司,再找裝修公司報價,當保險公司回覆賠償後可進行維修,做好防水層(最好成個洗手間做,因你現在離2-3呎仍出現滲水,如只做部份,但又影響其他則費時失事)。

    如懷疑大廈外牆滲水,須證明外牆有明顯裂縫引致才可,但適逢你裝修後才出現,因此則機會不大,但亦可要求大廈進行檢查。

    至於賠償價格諮詢保險公司或裝修公司報價。

    通知保險公司前,要先查明是否於保障範圍之內,否則須全數自負!

  • simon
    Lv 7
    1 十年前

    老實說應該係你裝修引起(由浴缸改作企缸), 懷疑樓下浴室天花防水做得不好, 導致濕氣積聚.......濕氣積聚只會見霉菌, 不會出現牆身水痕發黑一大塊, 你已經為自己解說不關你事, 為何你不懷疑你裝修師傅偷懶, 企缸沒有做好防水, 當沖涼時水滲漏落樓下, 如果係外牆落雨引起滲水, 一早樓下已經投訴, 上文找食環署做實地測試係一種方法, 以便確定責任是否你, 如果係你個單位問題, 你是否願意俾錢($5,000 - $10,000)重做企缸防水層, 而且要維修樓下天花, 可以詢明保險公司這情況是否有得賠, 就算保險冇得賠你都要解決啦, 你失敗地方沒有跟緊裝修師傅, 是否用防水料加入混凝土, 要做兩三層以上才可以舖蓋磁磚.

    2009-01-27 11:26:51 補充:

    最煩係你重做企缸防水層, 要幾天沒得沖涼而且沙塵滾滾, 睇漏一眼裝修師傅收錢過肥年, 你就眼淚一蘿蘿.

還有問題嗎?立即提問即可得到解答。