匿名
匿名 發問於 商業及金融投資 · 1 十年前

我想借一萬蚊, 借銀行錢好還是用信用卡套現好?

我10月報左名o係11月中去旅行, 原本我諗住o係我去旅行前我會收到大約一萬蚊左右既糧, 點知公司拖數, 話要明年2月先找到呢一萬蚊左右既數俾我.

我已經俾左錢買機票訂酒店, 我真係希望可以帶多少少錢去玩得開心D, 亦唔想問親戚朋友借(唔想爭人情), 所以想請問...

1. 我想問銀行借錢, 因為我見有D 銀行有plan 係借重10,000 還$10,260 (分6個月還), 而咁還法我係完全冇壓力. 但我冇問銀行借錢既history, 我亦唔知今時今日既社會中, "有問銀行借錢既record"... 係咪一件唔好既事, 譬如對僱主而言?

2. 我想問係咪可以信用卡套現現金呢個方法... 但,係咪唔適用響我呢個情況? (我從未申請信用卡, 只用EPS)

*我有既積蓄唔多而且都做左定期, 而我每月擠得出來既"閒錢" 約$2,000 左右

(請於銀行工作者 / 有經驗者回答, 勿登廣告. 十分感謝!)

6 個解答

評分
  • 1 十年前
    最愛解答

    1. 今時今日根本唔會介意你有無問過銀行借錢, 只要你還得準時還得足就無問題。上年銀行水浸, 就算你無申請過, 只要係客仔, 都會不斷寄單張 / COLD CALL落咀頭叫你申請。還得起怕咩借! (還唔起或以為自己還得起另計)

    2. 用信用卡套現金 = 現金透支, 除左要比提款手續費, 亦要逐日計息, 年息高達 31%或以上, 加上你從未申請信用卡, 批核時間同申請貸款其實係一樣既, 但要比既錢就多好多, 並不建議。

    貸款亦有分幾種,

    一種叫私人貸款(PERSONAL LOAN), 特點係息低同定額還款, 適合鐘意每個月想穩定還一筆款項既人仕申請。(有分6個月 / 12個月 / 18個月 / 24個月) ← 即係你睇到果種 

    另一種叫循環貸款(OD), 運作方法同信用卡一樣, 比個信用額你, 用就逐日計息, 還晒就唔計, 當然年息會比信用卡平一大截 (12~15%左右), 適合一時需要應急所用。

    咁睇你想定額還定有彈性咁還~

  • 1 十年前

    信用卡套現好D

    Thank Me?

  • 1 十年前

    咁要睇銀行方面是否已預先批核你的借款,一般來說,問銀行借私人貸款會比信用卡透支好,一方面可以免現金透支手續費,另一方面信用卡透支息甚高,而且信用卡批核需時,到你月中旅行前可能都未批到出來。

    不過信用卡一般來說是比私人貸款來得靈活。而且借得咁少可能反而會高息咗。(用私人貸款作比較而非同信用卡比較)

    既然你有定期,不妨問銀行方面提早提取是否可以,會不會有罰款,甚至不能提取。

    你亦不妨先跟自己做定期的銀行商量一下,雙者那一方面較為好點,然係再問其他銀行私人貸款利息如何?(一般來說有定期可能息率會低一點。)

  • 1 十年前

    問銀行借會好d,分期還錢會對你支出較有預算,信用卡透支只會利疊利,短債變長債,借10,000 還$10,260 (分6個月還),呢個plan ok,不過前提係大部份銀行都要你有入息証明

    另外現今社會問銀行借錢係好普通嘅事,有借有還就無問題啦

  • 你覺得這個解答怎樣?你可以登入投選解答。
  • 1 十年前

    其實一定係向銀行借會好d....因為佢地會定死一個手續費同利息,並唔會因為市場的上落而對你有任何的影響......

  • 1 十年前

    同銀行借錢會較用信用咭套現平很多.最好是你出糧的銀行攪.

還有問題嗎?立即提問即可得到解答。