Jack wolfskin 背囊

Jack wolfskin 背囊 呢隻牌子好唔好背........舒適嗎???for 長途旅遊好用嗎???---但平d

定係Vaude 好d ,但價錢貴好多。

or lafuma

1 個解答

評分
  • 1 十年前
    最愛解答

    唔知你所指既好,係邊個方面。

    你要掟極都唔爛既,Jack wolfskin未必係好選擇。

    如果講「長途旅遊」,你用個紅白藍其實都可以,只要佢唔爛就得。

    但係如果你係一代走天涯呢類,平至Nikko, Mountain Wolf, Inway呢類低檔次都得,只要你係錫住用就得了。

    你提到「舒適」,咁又要解釋下咩為之好既背囊,肩帶厚,闊度適中(所以有男裝袋與女裝袋之分),袋架與腰頸長度配合(有得調節可能更好),有無厚及堅固既腰側帶,背架會唔會由肥大厚海綿組成頂住背部。本身呢幾個係就住骨骼而設計既元素,附合用家要求,就係好野。呢一方面,Mountain Wolf既產品可謂完全中晒招,提議你唔好考慮呢個牌子。

    跟住,袋身會唔會易磨損,ZIP位會唔會易扯爛,所謂防水皮會唔會甩,各袋口會唔會放左野入去好難拎野,或者設計得根本唔方便放野。以及骨架太重就係另一層次既選擇。

    最後,再比較埋個價錢及款式。

    本身遠足背囊係設計比人長途負重步行用,如果你所指既旅程係唔包括呢樣野,例如只係咩住個袋去機楊或車站,掟上飛機或車就唔駛理,的確唔駛太擔心,除非你係邪神托世,否則都唔多機會有事。

    反之,你係上山下海,長途遠足,你可以參考之前既講法搵個較高質素既袋。

    至於牌子方面Vaude係貴,但係佢個背架做得好,通氣散熱但唔太妨礙放野,仲有得做保養。

    Deuter係較早專利左網架既牌子,我有2個一出網架就買既袋,8年都未爛,尤其係ZIP位仲好好功能。但係個架就小許難放裝備。

    Lafuma你都考慮既話,反而提議你選擇佢既姐妹牌牌子,法文發音大約係「Me Yeah」,英文發音似係「Mill net」,你去Lafuma既店,都會搵到「Me Yeah」既貨,L記呢邊,我坦白分享,華而不實,時款多過實用。M記,剛好相反,我5年前買左個無內架既袋,40L,但係入面有塊軟板,個袋可以屈蛇咁收埋,又輕身,袋低仲有抗磨布,我試過個袋成三十幾磅響地下度拖,零後遺症。

    至於有朋友講個O字頭既,好似係英國貨,個架好靚,但係好貴及重。不過勝在布料一流。

    另一隻K字頭既英國貨,貴在同前一個O記一樣,唔落水、上雪山係發揮唔晒佢功用,在於想要平既你,未必係你既選擇。

    咁平既牌子仲有無?Jackle囉,我用左一年,露營20次(我5年前真係咁嫁),死左一條ZIP,Nikko用唔夠一年會甩防水膠膜(響個袋入面既),但係都不失為一個選擇。另外有一個叫做Vango既牌子,反而會提議你去了解下,中級質數,有平有貴,或者岩你用。

還有問題嗎?立即提問即可得到解答。