何為同父異母 /同母異父?

何為同父異母 /同母異父?

我有朋友說"溏心風暴之家好月圓"中的于素心/秋﹙鍾嘉欣飾﹚是跟甘泰祖﹙夏雨飾﹚是同母異父..但是我認為他們不是.因為甘泰祖﹙夏雨飾﹚只是跟殷紅﹙米雪飾﹚結婚.沒有生下任何子女.所以我認為于素心/秋﹙鍾嘉欣飾﹚是跟甘泰祖﹙夏雨飾﹚不是同母異父..請大家解答下我既問題.好讓我解釋給我朋友聽^^

4 個解答

評分
  • 1 十年前
    最愛解答

    首先我要解答moko嘅問題,

    同父異母:即係兄弟姐妹係同一個阿爸嘅血緣,但阿媽就唔同!

    例如:阿爸同阿媽a結咗婚,生咗個仔,之後阿爸同阿媽a離咗婚!

    之後,阿爸同咗阿媽b結婚,又生咗個仔!

    咁哩對兄弟係同一個阿爸生嘅,但又分別由唔同阿媽生嘅!

    就叫同父異母!

    同母異父:即係兄弟姐妹係同一個阿媽嘅血緣,但阿爸就唔同!

    例如:阿媽同阿爸a結咗婚,生咗個仔,之後阿媽同阿爸a離咗婚!

    之後,阿媽同咗阿爸b結婚,又生咗個仔!

    咁哩對兄弟係同一個阿媽生嘅,但又分別由唔同阿爸生嘅!

    就叫同母異父!

    第二想講qqmo2007你講錯咗個劇情啦!

    甘泰祖同荷媽攞番黎嘅養女唔係于素心,係孫皓月!

    于素心係殷紅同另一個男人生嘅女!

    第一集都有講甘泰祖同荷媽個時重未結婚,

    有年中秋前夕,

    甘泰祖同荷媽係其他人介紹下請咗殷紅同佢老公係家好月圓做野!

    之後,殷紅個老公就因欠債走咗佬,留低殷紅同個女係家好月圓!

    所以于素心係殷紅同佢老公生架,唔係養女嚟架!

    而于素心同甘永好,係名義上係兄妹,但佢咩血緣關係都無!

    佢地可以話係異父異母嘅兄妹!

    因為甘永好係甘泰祖同荷媽生嘅,

    而于素心就係殷紅同佢老公生嘅!

    2008-08-11 23:56:26 補充:

    qqmo2007:

    重有你講暗戀嘅,唔係于素心暗戀甘永好!

    係孫皓月暗戀甘永家,

    而于素心同甘永好,係一齊長大!

    係青春期,佢兩個開始發覺鍾意對方,

    點知甘泰祖同殷紅搞婚外情,

    最後重要結婚,

    因為于素心同甘永好名義上成為兄妹,

    畀甘泰祖同殷紅阻止來往,

    于素心最後更畀殷紅送咗去英國,

    兩人嘅感情就咁無疾而終!

    2008-08-12 23:05:53 補充:

    qqmo2007:

    我只係唔想你誤導人,

    如果你唔係咁肯定,

    而又想答人地條問題,

    你可以上網查下d資料先答,

    咁就唔會講錯咗個答案誤導咗人都唔知啦!

  • 1 十年前

    同父異母 :我同'父'係有血緣關係,但個'母'就唔係我親生媽咪

    同母異父:我係'母'生o既,但個'父'係另人(另結而乘為我Father,就冇血緣關係).所以異母只係掛名o既爸爸

    資料來源: 自己
  • ?
    Lv 7
    1 十年前

    劇裡面的于素心/秋(鍾嘉欣飾) 甘本就唔系甘泰祖(夏雨飾) 同殷紅(米雪飾)和荷媽 (李司祺飾) 任何一個人有血緣關系, 于素心/秋(鍾嘉欣飾) 系攞番黎既養女, 只不過佢由細到大跟左甘泰祖(夏雨飾) 同殷紅(米雪飾), 所以于素心/秋(鍾嘉欣飾) 就當左米雪好似佢亞媽咁, 于素心/秋(鍾嘉欣飾) 系劇裡面系暗戀管家仔(林峰), 如果佢地有血緣關系,于素心/秋(鍾嘉欣飾) 點會暗戀管家仔(林峰), 唔通佢地亂倫呀? 亂倫戲D情節都唔會系香港D電視裡面發生架! 如果真系就已經比人去電檢處投訴啦! 我諗你同你朋友應該都好少睇。

    2008-08-11 22:38:57 補充:

    所以佢地表面上系同父異母, 實際上甘本咩都唔系

    2008-08-12 18:46:47 補充:

    fatboy83hk :

    我唔系電視迷, 唔會由朝到晚泡系電視机旁邊, 所以就算我講錯左, 就當我唔岩, 只不過系假既電視戲, 唔駛咁認真同荷刻對我講野咁!

    2008-08-12 23:53:32 補充:

    你自己慢慢沉迷, 浪費D時間系電視劇集到啦! 我都無你咁好氣!

  • 1 十年前

    同父異母即係同1個呀爸但係唔同呀媽生.

    當個呀爸有2個女人為佢生bb,

    咁果2個bb就係同父異母既兄弟/姐妹咁.

    咁同母異父即係同1個呀媽生但係唔同呀爸.

    又當個呀媽有2個男人同佢生bb,

    咁果2個bb就係同母異父既兄弟/姐妹咁.

還有問題嗎?立即提問即可得到解答。