may 發問於 家居與園藝裝飾及裝修 · 1 十年前

外牆滲水之維修及室內裝修之索償問題

經6月份連場大雨,本人屋內一房之牆壁及洗手間牆壁有嚴重滲水情況,只要雨下大些或下的時間長,便有水滲入。房間去年曾發覺有水滲入地板,曾找管理處投訴跟進,但管理處兩次找來師傅皆稱可能是窗框玻璃膠老化引致滲水,要我先在窗框唧膠,看看再有無滲水。我於去年10月在窗框唧膠後因無大雨測試,亦不見再有滲水,以為一切解決,但今年大連場大雨,終使管理處肯着手處理問題,但我有以下問題尚需解決:

1. 去年入水加今年入水,已令本人房間木地板谷起及牆紙和牆身批盪嚴重剝落,其他牆身亦因水氣潮濕而發霉起黑點,情況嚴重,可否向管理處索償?因職員全無表示。另本人有買家居財物保多年,但我去年無報此事,但有去信管理處之信件及相片,不知可否索償?

2.洗手間入水則第一次上來查看時像去年一樣推,但經多次下雨証明,也只肯以唧膠在入水地方修補,但不知是否可行

請協助,謝謝!

更新:

1)洗手間外牆滲水補充:最初管理處職員話曾經在從面單位觀看我的洗手間外牆,話並無發現有裂痕、牆磚崩缺,所以拒絕認外牆入水,但經多次大雨及下雨時叫職員來看,才不情不願話維修,但因無法用肉眼看到水從何處進入,故無法做外牆維修,只可以在室內入水地方(浴缸頂的浴簾掛桿與牆之接口位)唧特殊膠,屆時物質會沿牆內縫隙追出去及會膨脹迫住任何裂縫,咁就可以解決入水問題,這是否真的?又有無效?可維持多久?

5 個解答

評分
  • Thomas
    Lv 7
    1 十年前
    最愛解答

    你應找出滲水的原因或滲水的源頭, 然後才尋找治理方法. 祗封閉表面, 是治標不治本. 水是那裡走來? 牆內喉管滲水? 樓上滲水? 首先處理好滲水地方, 然後再處理牆身.

    找防水工程公司維修, 就一定很貴, 找一般裝修維修, 他們就未必識維修, 其實有一個很簡單的方法可以自己維修的.

    外牆滲水維修方法如下 :

    首先用玻璃膠填補較大的裂縫, 全乾後再用白英泥加入淸水攪拌至漿糊狀, 用膠灰匙掃在磁磚的空隙上, 約半小時用乾布抺乾淨, 之後用玻璃膠加天拿水攪拌至漿糊狀用曲掃油在磁磚上兩次, 最少可保用10年以上, 但油後不可做任何工程如鑽孔等. 這是防水工程公司教我的一個簡單方法, 原因很簡單, 玻璃膠各人都知道是防水的最好用品, 加天拿水是將玻璃膠容至漿糊狀, 再掃在牆上, 這就有防水功效, 本人亦試過很多次都有效. 比例大約是1:1加多與少天拿水的関係是你掃的時候比較容易或難, 其實掃二次是保障你有掃漏的地方.

    注意 : 氣味很嗅,一定要開門窗通風.普通透明玻璃膠就ok.

    內牆維修方法如下 :

    1. 鏟除黃色水漬的灰

    2. 油膠玉磁漆或光油一次

    3. 批灰2次

    4. 打磨平滑及清理乾淨

    5. 油一次膠玉磁漆

    6. 油上面油

    以上資料希望可以幫到你, 如再有問題或不明白請補充!

  • 1 十年前

    我都有你類似的經歷,叫管理處做又推三推四(外牆),成日話係D窗邊,又話過左保養期,最後嘈多嘈幾次先肯幫我整,本來上個禮拜整,跟住又打風,又再拖,希望下個星期做到。

    保險方面,好難向管理處claim,如果有新的損壞,你應該可以試下去claim家居保,家居保係唔保外牆,但係會保你因滲水引至的室內牆壁損壞,即係你要再從新裝修過D水漬部份,不過你間屋之前一定要自己裝修過,如果D裝修係你未搬入去時已經整好係唔得。你最好問清楚保險公司,佢都會好詳細話比你聽,我買HSBC,我比左D相,裝修報價,管理處信証明有呢件事發生,好快就批左,不過要我整好比張單佢先有錢拿!過程非常順利!

  • 1 十年前

    首先大廈管理公司係有保險既...如果你要索償..恐怕有難度.因為你要有理據去索償先得.本身都未定滲水既原因.

  • 1 十年前

    我可否要求管理處負責因外牆入水而導致室內裝修損壞的維修費?

  • 你覺得這個解答怎樣?你可以登入投選解答。
  • 1 十年前

    去年因為你冇申報滲水, 而亦冇 claim 錢. 已經過左 claim 錢時期, 保險是不會受理.

    今年你可以試下 claim 保險, 但亦要視乎你保險種類. 如果是一般家居保, 是不會包括牆壁滲水.

    而保險 claim 錢主要是你已經維修後將單據 send 俾保險公司, 在維修前最好問一問有冇先好做.

    2008-08-14 16:09:31 補充:

    因冇辦法做測試, 實在難以知道源頭所在. 在裡面做打針只可以確保原本滲漏位置不再漏水, 但滲漏源頭可能封唔到, 所以好容易引發其他地方滲漏.

    如果因是次漏水造成的家居財物損失, 你係可以 claim 既. 但裝修則視乎你入伙時有冇做過裝修. 如果你不曾做過裝修, 即買入後原裝格局, 保險係唔會骷嫁.

    資料來源: 自已經驗., 自已經驗
還有問題嗎?立即提問即可得到解答。