Yahoo 知識+ 將於 2021 年 5 月 4 日 (美國東岸時間) 停止服務,而 Yahoo 知識+ 網站現已轉為僅限瀏覽模式。其他 Yahoo 資產或服務,或你的 Yahoo 帳戶將不會有任何變更。你可以在此服務中心網頁進一步了解 Yahoo 知識+ 停止服務的事宜,以及了解如何下載你的資料。

點樣可以封左陰陽眼

我成家自小便看到個d野, 到我前2年大肚個陣就見唔到啦, 生完之後又見返, 我見既方法好得意, 我係夢中見到既, 好多人話我係發夢, 我可以好肯定話唔係囉, 前晚我又係咁, 不過我身邊多左個人, 個個就係我個女, 佢而家 19個月大, 個晚夢中我地係地下執左個bb, 個bb個咀比人用針線聯住左, 我好心幫佢剪開, 跟住發現唔對路, 有d驚(來者不善既感覺), 咪放低個bb走囉, 我即刻起身, 望下自己個女, 佢個刻咁啱又醒左, 佢第一時間就係搵 : bb 呢 ? bb呢 ?? 無左 ??

個刻個心打左個突, 佢都見到 ? 呢2日我發現屋企多左個人係度, 我知中左招, 個女成日無啦啦話bb

想問下 , 有咩方法可以封左去, 我唔想個女好似我咁, 成日見到呢d野, 對個小朋友係講, 呢d能力根本就多餘既, 得個驚字, 我自己就本身試過搵廟既師父封, 不過無耐就又見返, 即係都封唔到, 想問有咩方法係永遠都睇唔到呢 ??

6 個解答

評分
  • peter
    Lv 6
    1 十年前
    最愛解答

    分開兩件事:

    陰陽眼如果係後天,即自己請人開的話,容易d封;但你情況是先天,即成家自小便有陰陽眼,有可能你家族中有人做左d野而引致後人有陰陽眼(即與靈界結緣),如果能查到原因而解決就最好,但無論如何,都要搵師父封(最好搵高僧或道士,廟既師父唔得)。

    加上你的陰陽眼是 [夢廻陰陽眼] ,即發夢先開陰陽眼,比較麻煩,因為人在發夢時意志力比較弱,容易被靈界控制。

    另外,你夢中見個bb是惡鬼,被人封嘴,但又被你解開,重要比你bb見到,佢同你bb已結緣,都幾麻煩,所以又要搵高僧或道士攪。

    重有個方法,就是你同個bb一齊返基督教教會搵牧師幫手,通常佢地唔收錢(但要搵大牧師,唔好搵傳道仔)。有個叫林以諾牧師(青衣,阡陌社區浸信會),專幇人捉鬼;又有個叫李炳光牧師(灣仔,循道衛理香港堂),曾幇人捉鬼。但入得教會就要誠心,最好洗埋禮,keep住返教會,d 鬼應該埋唔到身,同陰陽眼會無效(係無效,唔係封眼)。

    希望幫到你同bb。

  • 1 十年前

    你番教會搵牧師或去佛教搵高僧, 佢地都會幫你,

    無論去邊度, 都要誠心,

    夢中常遇到靈界,

    我都係咁,

    以前好驚,

    而家會拎武器還擊,

    有d學法既朋友曾同我講過,

    夢入面既你都係你自己,

    當你能現實同夢入面既你合而為一,

    你就唔使怕佢地,

    佢地怕番你,

    你想封眼,

    呢個唔係一個最好既方法,

    你搵教會搵牧師或去佛教搵高僧, 佢地都會幫你.

    以上已有好多朋友教左你點做,

    你嘗試一下.

  • 流星
    Lv 7
    1 十年前

    我無陰陽眼, 但我自小就有靈界接觸, 都見過鬼手. 有試過佛教/道教幫我. 但都係唔得.

    最後, 有人帶我返教會. 佢地一個既祈禱, 我就馬上有好大感覺有d野從我身體裡流走咗咁 ! 之後就好舒服咁啦 ! 當日我就信咗耶穌啦 ! 之後我成日發夢裡面都見到果d野架 ! 但我可以靠耶穌祈禱就趕就咗佢啦 ! 耶穌好勁架, 連鬼都要驚佢 ! 佢先係果位真神 !

    你都係去揾牧師幫你手啦 ! 如果你有問題, 可以留言, 我再同你傾下啦 !

  • 1 十年前

    相信耶穌LA!!!我無見過鬼!BUT耶穌係一個真神一定可以幫到你GA。受洗LA。

  • 1 十年前

    提議你去香港佛教聯合會,法師會幫你解決.

    http://www.hkbuddhist.org/index.html

  • 1 十年前

    我和我妹妹都有陰陽眼, 係天生的, 已經習慣了

    沒有辦法..........

    1.) 額頭唔好畀頭髮蓋過

    2.) 看到也要假裝睇唔到

    3.) 不要集中留意佢地, 因為佢地知我們心想什麼~

    4.) 佢可能係路過, 或站立一陣子就離開

    E-mail : torocat105@yahoo.com.hk 歡迎查詢

還有問題嗎?立即提問即可得到解答。