om 發問於 娛樂及音樂娛樂圈 · 1 十年前

想找一些周星馳的童年的事件

如題,最好係一些特別的事件,急急!!!!!!!!!!!!!!!!!!!!!!!!!!!!!!!!!

更新:

係一些童年的周星馳事件,唔係佢的資料,佢資料我都有哂

1 個解答

評分
  • ka yin
    Lv 7
    1 十年前
    最愛解答

    周星馳(Stephen Chow,1962年6月22號—),綽號「星仔」、「星爺」,係香港一個電影演員同導演。由於佢嘅搞笑戲深入民心,所以有「喜劇之王」哩個美譽。

    周星馳最初係無綫電視 (TVB) 《430穿梭機》做過主持,佢第一次做主角係喺TVB嘅《蓋世豪俠》道飾演段飛。佢啱啱出道時綽號「星哥」,但喺《逃學威龍》同《賭聖》之後,圈中人開始叫佢做「星爺」。

    佢唔少戲嘅劇情都有一個共同點:開始時主角都好輕浮,一係就不學無術,一係就係小無賴(唔會大奸大惡,但係就賤到死)。跟住佢會被人整到好慘,之後就會去修行,修行返嚟武功就會大增,個人亦踏實好多,打贏啲敵人之後就會退出江湖,過返啲平凡嘅生活,有種「中隱隱於市」嘅味道。

    近期周星馳開始著重國際市場,仲得到「哥倫比亞電影(亞洲)公司」(Columbia Picture)為佢自導自演嘅電影提供特技同埋拍攝嘅支援;其代表作係《少林足球》,最近又出咗《功夫》。

    佢嘅戲除咗有「李國章文化」同一貫「有厘化」作風做之外,有時重會起用初出道嘅靚女做女主角;而呢啲人通常之後都會人氣急升,好似朱茵、莫文蔚、張柏芝、梁詠琪、張敏等等。

    2008-04-18 15:45:16 補充:

    演藝生涯

    周星馳細細個就好崇拜李小龍,嗰時開始已經嚮往成為一個專業嘅演員,所以中學畢業之後就參加咗TVB藝員訓練班嘅考試,但俾人淘汰咗。落選後嘅周星馳四圍咁搵窿路,終於俾佢成功咁進入咗TVB藝員訓練班第11期嘅夜訓班。喺1982年畢業後,星仔俾人擺咗去做兒童節目《430穿梭機》,

    2008-04-18 15:45:31 補充:

    同當時嘅幾個藝人張國強、譚玉瑛、曾華倩同龍炳基等一齊擔任主持工作,同埋最多只係喺幾部電視連續劇做下臨記。不過睇返喺《430穿梭機》入面有個環節叫做《黑白疆屍》,其實嗰時星仔所扮演嘅白疆屍已經開始俾人認識佢嘅喜劇嘅天份。直到1986年周星馳先至有機會參演一套單元劇《哥哥的女友》,跟住慢慢再有機會喺其它劇集做吓配角,好似《生命之旅》、《鬥氣一族》、《阿德也瘋狂》、《大都會》、《咖哩辣椒》、《一本漫畫走天涯》系列等。

    2008-04-18 15:45:51 補充:

    1989年,周星馳終於有機會主演《蓋世豪俠》,喺劇入面初顯無厘頭風格;佢喺劇中經常講嘅「坐低飲啖茶,食個包」成為咗當時嘅流行口頭禪。同年喺另一套電視劇《他來自江湖》入面,星仔更大展功力,演譯喜劇角色「何鑫淼」(讀「何音秒」;劇入面啲人叫佢做「金水」),成為香港連續劇嘅一個經典人物。哩一刻星嘅無厘頭演技開始受人注意。哩套劇入面,

    2008-04-18 15:46:09 補充:

    星仔同吳孟達(人稱「達哥」或「達叔」)嘅父子組合極之搞笑,兩人嘅合作亦因為哩套劇而開始大受觀眾歡迎,奠定咗日後合作無間嘅拍檔關係;甚至到後來星仔拍電影紅咗之後,哩對熒幕父子更加喺鏡頭外上演一場別開生面嘅上契,就係做後輩嘅星仔反過嚟做契爺,而做前輩嘅達叔反而係契仔,成為咗當時娛樂圈嘅一時佳話。

    2008-04-18 15:46:20 補充:

    睇返當時周星馳喺電視界嘅日子,其實始終都冇真正受到重用,所以周星馳亦開始轉投當時大為興旺嘅電影界;1988年周星馳喺恩師李修賢嘅提攜下演出電影《霹靂先鋒》,仲因為哩套片而勇奪咗第25屆金馬獎嘅最佳男配角。1990年導演劉鎮偉趁著周潤發主演嘅《賭神》風潮,請咗星仔同達叔搭檔演出《賭聖》一片,套戲只係食返賭片嗰條水加埋喜劇路線,開頭以為觀眾反應只會一般,但係估唔到最後個票房竟然高達41,326,156港元,大破咗當時嘅香港票房紀錄。

    2008-04-18 15:46:37 補充:

    之後由星仔主演或者有份參演嘅《逃學威龍》、《家有囍事》、《審死官》仲屢破票房紀錄。喺1992年,周星馳主演嘅幾部電影囊括咗香港票房排行榜嘅前5名,真係夠哂風光。因為咁,周星馳同埋周潤發、成龍三個當時得令嘅電影藝人俾人合稱做「雙周一成」。

    2008-04-18 15:46:50 補充:

    九十年代中期,由於港產片嘅產量慢慢減少,周星馳電影嘅產量亦都受到影響,不過亦都標誌咗星爺參與編導工作嘅開始。早喺1994年嘅《國產凌凌漆》,周星馳就初次有份以導演嘅名義出師;其後嘅《大內密探零零發》、《食神》、《喜劇之王》幾套戲,周星馳都有參與幕後編導嘅工作。1993年到1995年係星爺嘅全盛時期,不過到咗95年嘅《百變星君》、《回魂夜》就開始有走下坡嘅趨勢。直到2001年,周星馳首次全權執導嘅《少林足球》一出,喺香港嘅票房就已經高達60,739,847港元,又再次打破咗香港華語片紀錄。

    2008-04-18 15:47:04 補充:

    星爺仲憑著哩部片獲得咗第21屆香港電影金像獎最佳男主角、最佳導演、最佳影片等幾個大獎。到2004年,周星馳身兼監製、導演、編劇同埋主演嘅《功夫》,再爆香港票房紀錄61,278,697港元,打破埋《少林足球》所創下嘅香港華語片票房紀錄。而周星馳因為哩部片而奪得咗第42屆金馬獎最佳導演、最佳劇情片等嘅殊榮,仲入圍第63屆電影金球獎嘅最佳外語片,真係可以講得上叫好又叫座。

    註:《少林足球》導演其實重有李力持先生,後嚟佢哋兩個因為唔啱牙而從此一拍兩散。

    2008-04-18 15:47:19 補充:

    2006年7月,星爺喺中國嘅寧波開拍佢嘅新戲《長江七號》,概念取自中國大陸嘅神州六號太空任務,傳聞呢套電影總投資額達到一千三百萬美元。故事講述周星馳飾演一個窮困潦倒嘅阿爸,帶住個仔小迪(徐嬌飾)住喺一棟舊屋,一家依靠爸爸做咕喱維生,重成日周圍執爛嘢當家用。望子成龍嘅阿爸,咬緊牙關希望小迪能夠入讀明星學校,更不惜賣命賺錢去交高昂嘅學費;而小迪亦因為家境清貧,經常成為師生取笑同欺負對象,唯獨美麗善良嘅袁老師(張雨綺飾)對佢始終不離不棄、關愛有加。睇住同學玩新科技玩具狗,羨慕嘅小迪成日嘈著叫爸爸買一隻來陪佢。

    2008-04-18 15:47:37 補充:

    禁不住個仔嘅要求,袋裏空空嘅爸爸只好將從垃圾堆度執到嘅膠波帶返屋企做禮物。點知,呢個波唔單止變身成一隻可愛嘅外星生物,重身懷超常能力!歡喜若狂嘅小迪將呢個新朋友命名為「長江七號」,並偷偷瞞著爸爸同埋同學將佢帶返學校做伴,期望佢可以教訓欺人太甚嘅同學,以及解決學校裏所有疑難雜症。《長江七號》於香港2008年1月31日賀歲片檔期上映。

    2008-04-18 15:47:49 補充:

    影響

    由於周星馳已經做咗好多年喜劇,所以好多香港人都會覺得「周星馳」等於「喜劇」。佢拍嘅戲除咗好多人買飛入場睇之外,重有學界專門研究佢嘅電影,重將周星馳定性為藝術家。吳鎮宇都好感慨咁話:「我睇咗《功夫》,如果呢部戲唔係周星馳做嘅,大家根本唔會去睇。」

    佢嘅笑片好多人睇,係咁破票房紀錄,唔少香港人平時同人傾計嗰時,都不自覺用周星馳嘅對白,例如「你講嘢呀?」就出自周星馳嘅電影,意思係「你係咪喺度吹水?」同時,周星馳嘅電影亦都令到喜劇成為繼動作片後香港嘅電影主流,後期片商開嘅戲,亦都多咗笑片。

    2008-04-18 15:48:04 補充:

    周星馳非常尊敬李小龍,所以佢嘅戲有唔少嘅鏡頭都係特別向李小龍致敬,例如安排某啲角色着上李小龍式嘅衫,或者扮佢嘅武打動作。咁樣做,喺某程度上亦都係喺度推廣緊「李小龍文化」。

    另外,由於佢喺咁多部戲入面都係以小人物由低做起,再加上佢自己低微嘅出身,所以唔少人都會當周星馳喺香港草根階層由低做起嘅表表者,亦有人將周星馳睇成香港精神嘅象徵。

    喺日本,除咗成龍、李小龍之類好受歡迎之外,自少林足球之後,周星馳嘅戲亦有好大嘅影響。喺嗰度甚至有位名作家將自己嘅筆名改做「馳星周」,以表示自己係周星馳嘅忠實Fan屎。

    2008-04-18 15:48:22 補充:

    演出作品

    [編輯] 電視劇(無綫電視)

    1992年:群星會

    1990年:孖仔孖心肝

    1989年:蓋世豪俠、他來自江湖

    1988年:大都會、夢邊緣、鬥氣一族、阿德也瘋狂、刑警本色、無冕急先鋒

    1987年:生命之旅、陰陽界

    1986年:城市故事、哥哥的女友

    1983年:十三妹、射鵰英雄傳之鐵血丹心、再見十九歲、老洞、北斗雙雄、黑白殭屍

    1982年:天龍八部、活力十一、蘇乞兒、香城浪子、獵鷹

    2008-04-18 15:49:09 補充:

    電影

    周星馳主演或者參與過嘅電影約有55部。

    2008年 : 長江七號

    2004年:功夫

    2001年:少林足球

    1999年:喜劇之王、玻璃樽(客串)、千王之王2000

    1998年:行運一條龍

    1997年:97家有囍事、算死草

    1996年:大內密探零零發、食神

    1995年:西遊記第一百零一回之月光寶盒、西遊記大結局之仙履奇緣、回魂夜、百變星君

    2008-04-18 15:49:26 補充:

    1994年:破壞之王、九品芝麻官、國產凌凌漆

    1993年:逃學威龍3之龍過雞年、唐伯虎點秋香、濟公

    1992年:漫畫威龍、家有囍事、逃學威龍2、審死官、鹿鼎記、鹿鼎記2之神龍教、武狀元蘇乞兒

    1991年:整蠱專家、龍的傳人、賭霸、新精武門1991、逃學威龍、賭俠2之上海灘賭聖、情聖、豪門夜宴(客串)、非洲和尚(旁白)

    1990年:望夫成龍、一本漫畫闖天涯、龍鳳茶樓、風雨同路、咖喱辣椒、小偷阿星、師兄撞鬼、賭聖、無敵幸運星、江湖最後一個大佬、賭俠

    1989年:龍在天涯、義膽群英、流氓差婆

    1988年:霹靂先鋒、捕風漢子、最佳女婿

    2008-04-18 15:50:15 補充:

    得獎記錄

    2005年:台灣金馬獎:最佳導演《功夫》

    2002年:香港電影金像獎:最佳導演、最佳男主角、傑出青年導演《少林足球》

    2002年:香港金紫荊獎:最佳導演《少林足球》

    1997年:香港金紫荊獎:最佳男主角《西遊記大結局之仙履奇緣》

    1992年:亞太影展:最佳男主角《審死官》

    1989年:台灣金馬獎:最佳男配角《霹靂先鋒》

    2008-04-18 15:50:37 補充:

    經典對白

    90年代初周星馳參與嘅電視劇同電影,對白入面成日用到「小丙」(廣東話入面係「打得少」嘅意思)、「飲啖茶食個包」及「小強」,其實都取自1980年代香港暢銷漫畫《玉郎漫畫》中甘小文作品嘅對白;而《功夫》入面嘅哨牙珍同埋《行運一條龍》中嘅肥婆四,亦係甘小文畫筆下嘅角色名字。

    (功夫)

    斧頭幫

    註:「斧頭幫」最早出現喺王晶作品《賭俠2之上海灘賭聖》中,幫會入面嘅人同樣着黑色西裝,笠高帽,手揸斧頭做武器,故事背景同樣係民初嘅上海。

    一支穿雲箭,千軍萬馬來相見!

    細路,睇你骨格精奇,實在係百年難得一見嘅練武奇才…

    2008-04-18 15:51:13 補充:

    《九品芝麻官》

    如花

    註:因為好多套星爺嘅戲都有搵佢老友李健仁扮女人做「如花」,所以依家哩個名已經普遍成為咗醜樣嘅代名詞,仲要通常係指女性。

    甲:因住收尾嗰兩年! 乙:嗰兩年幫你執骨!/甲:抵你生仔冇屎忽! 乙:冇屎忽個仔係同你生嘅!

    2008-04-18 15:51:23 補充:

    哩段係包龍星練成鬥鬧交絕技之後,同龜婆鬥鬧嘅對白其中之一二。

    皇帝將蘋果擺在官員頭上,要包龍星用飛刀擲蘋果時,包龍星:可唔可以蒙住眼? 皇帝:莫非咁樣擲會準啲? 包龍星:我怕血﹗

    方唐鏡:打我阿笨﹗(包龍星即刻衝埋去打佢一身)

    包龍星對大太監李連英講:你呀,檸檬頭,蝠鼠眼,秤鈎鼻,八字眉,茶壺咀,兜風耳,老鼠牙,燈芯頸,鴛鴦膊,水桶腰,長短腳,生成咁樣,我係你就死鬼咗佢啦!

    2008-04-18 15:51:39 補充:

    包龍星對大太監李連英講:你老母揍大你咁辛苦走去做太監視為不孝,唔尊重老佛爺視為不忠,你呢個不忠不孝既屎忽鬼響度印印腳做咩呀?

    犯人:你條仆街冼我?答:冼你咪冼你羅﹗

    《唐伯虎點秋香》

    9527

    唐伯虎做書僮華安之前嘅僕人編號。

    小李飛刀個老母,哦,原來係小李老母飛刀。

    註:小李老母喺廣東話入面係粗口嘅諧音。

    燒雞翼,我鐘意食,但係你老母講你就快釘,越係快釘之所以越要整多隻,如果而家唔食以後無機會再食。你真係就快釘?我真係就快釘!如果而家唔食以後無機會再食。

    2008-04-18 15:51:51 補充:

    註:呢段其實係一首歌嚟。

    小強!小強你點呀小強?小強你唔可以死架小強!我同你相依為命、同甘共苦咗咁多年,一直當你係親生骨肉一樣供書教學,估唔到今日白頭人送黑頭人

    註:小強喺戲入面係一隻曱甴,咁平時用就可以用嚟叫好多嘢,包括生嘅嘢或者死嘅嘢,唔限於曱甴。

    2008-04-18 15:52:21 補充:

    稟夫人,小人本住在蘇州嘅城邊,家中有屋又有田,生活樂無邊,點知個唐伯虎,佢橫蠻不憸點,勾結官府目無天,巧取豪奪我家田,我阿爺同佢翻面,慘被佢一棍來打扁,我阿嫲鬧佢欺善,更被佢捉了去唐府,強姦了一百遍,一百遍!

    2008-04-18 15:52:34 補充:

    最後仲懸樑自盡慘無邊,佢還將我父子,逐出了家園,流浪到江邊,我為求養老父,袛有獨自行乞在廟前,點知個唐伯虎,佢實在太陰險,知道此情形,竟派人來暗算,把我父子狂毆在市前!小兒身壯健,殘命得留存,可憐老父魂歸天,此恨更難言,為求葬老父,唯有賣身為奴更作賤,我一面勤賺錢,一面讀書篇,發誓把功名盡顯,手刃仇人意志堅,從此【唐寅詩集】伴身邊,我銘記此仇不共戴天!

    哩段係劇中唐伯虎以敲擊樂嚟表演嘅數白欖內容。

    2008-04-18 15:52:59 補充:

    《一本漫畫闖天涯》

    你老豆有身紀紀紀紀,恭喜恭喜

    (歌嚟嘅)

    《家有囍事》

    巴黎鐵塔反轉再反轉

    無定向喪心病狂間歇性全身機能失調症,簡稱腦震盪

    家明表哥,婉君表妹

    醉拳甘迺迪, 即係南拳北腿孫中山o既下集

    媾女就好似食煎雙蛋咁,呢嗱跳緊繩呀(將隻碟上下郁郁吓)!媾完(用手指撩勻兩隻蛋黃),就要食(用咀啜),食得(黏喺鼻尖嘅蛋黃汁都舐埋),唔好嘥!

    人生有個真正朋友的確好極,飲勝!

    阿諾「豬」~~(拉長)~~華生力「啤」

    邊個淫蕩呀?我淫蕩!邊個淫蕩呀?你淫蕩!

    家陣老笠,除條底褲出嚟。

    Pretty woman 搵老襯

    2008-04-18 15:54:13 補充:

    維基百科

    資料來源: , 維基百科
還有問題嗎?立即提問即可得到解答。