promotion image of download ymail app
Promoted
匿名
匿名 發問於 社會科學心理學 · 1 十年前

我有焦慮症,應該點好?係咪應該睇醫生?睇乜醫生較好,有冇好既介紹?

我有焦慮症,應該點好?係咪應該睇醫生?睇乜醫生較好,有冇好既介紹?有既唔該留低有關聯絡資料,同埋講低收費幾多....

我係學生,太貴我付擔唔起。

我好在意別人對我既睇法,成日會因為咁而唔開心,唔開心既時候我會變得唔講野。

係相識既人群面前我會唔敢講野(反而係唔識既人群面前會冇咁大問題),我驚我既言行舉止會引起其他人既不滿同妒忌。成日花好多時間黎唸依D問題,但係又百思不得其解,我覺我咁樣好影響我既社交、工作能力。

更新:

其實幾年前已經發覺我係人群面前唔敢講野依個問題,但係冇唸咁多,同埋我係我d好朋友同家人面前唔會咁,但係自從轉左新同學之後,加上我依家有做part time,我覺得依個問題好嚴重。唔知依個係咪性格問題呢?如果係既話,我會好討厭自己既性格

3 個解答

評分
  • 1 十年前
    最愛解答

    首先, 係關於anxiety o既問題!

    請問你呢個狀態持續了幾耐

    anxiety disorder 焦慮症 其實係要持續6個月以上有特定o既病徵

    如果有咁耐o既話就要睇下你係咩anxiety disorder啦(p.s. 未必係焦慮症)

    不過其實係唔係 or 係咩disorder都唔係好重要

    如果你覺得真係好有問題o既話你可以搵o的輔導員傾傾

    好多社福機構都會有輔導服務

    通常都係幾十蚊一個section(50mins), 資深o既就會再貴多o的

    你可以上網search下(最近中大有輔導服務提供, 50蚊到)

    不過係之先我諗你可以try to 放鬆下自己

    唔好對他人o既睇法睇得咁重要

    俾o的信心自己, 問下自己其實有時會唔會係自己將自己的睇法睇得太重?

    如果你有一o的好朋友的話, 你大可問下佢地對你的睇法

    問下佢地覺得你如果咁樣唔出聲 or 出左聲

    會覺得掂......

    資料來源: DSMIV & 自己
    • Commenter avatar登入以回覆解答
  • 1 十年前

    你都未看醫生, 何以確定自己有焦慮症!!!

    現今的資訊實在是太發達了, 很多人在未有尊業意見前, 已經可以為自己斷症, 但也有很多可能是斷錯症!

    在你的問題中, 未有提及任何明顯的症狀, 加上你描述內容的方式, 比我的第一個感覺並不像是焦慮症. 情況有d似主觀性誘發的症狀, 所以我建議你, 先不要認為自己有焦慮症, 正如你自己所講, 是性格問題居多,

    好在意別人既睇法, ------------------>是自我評價較低的現像;

    唔開心既時候會變得唔講野, ----->好多人都係一樣;

    係相識既人群面前會唔敢講野---->自信心不足, 同時對人的信任也不足;

    所以綜合我的分析, 你的性格是比較內向, 個人欠缺自信心, 而和人溝通的技巧不足.

    而引發這些問題, 當然性格是關鍵之一, 但個人的際遇也是不可否定的原因.

    每個人的性格是天生的, 你不用討厭自己, 因為性格是應該尊重的.

    而處理性格上的問題, 我建議你找輔導員, 比心理醫生實際得多,

    假如你想在見輔導員前, 找人評估你的情況, 你可以寫一編文章, 內容主要是描述一吓你自己如何看自己, post 上網, 我再幫你分析. (免費)

    最後, 請相信我, 在未確診前, 不要認為自己有病,

    性格是天生的, 不要怨自己, 只有學會尊重自己的性格, 人才可以改善及進步!

    共勉之

    資料來源: 多年來參與社會服務的經驗
    • Commenter avatar登入以回覆解答
  • 1 十年前

    我朋友係大窩口睇緊一個普通科的醫生,收費同普通科一樣,我朋友有抑鬱証,佢睇過精神科醫生,一來收費貴,二來佢話專科都唔及這個好,佢睇了年多兩年了,一路食住佢開的藥,佢都係人地介紹佢睇的。如果你有興趣,我問佢個醫生名,然後告訴你。

    唔使比分我,只係想幫下人。

    • 請問可以告訴我大窩口医生的名字嗎

    • Commenter avatar登入以回覆解答
還有問題嗎?立即提問即可得到解答。