home work interior

我間新屋快要裝修好,一切都幾順利,不過有野提醒大家,我之前去過一間叫home work interior既傢俬設計公司, 因為佢介紹既某種設計風格好合我心水, 而佢既網頁介紹又幾好, 於是就去呢, 點知呢間野, 淨係起設計圖已拖咗我三星期, 每次問佢(負責人叫孔小姐), 佢都話聽日一定俾到你, 實牙實齒, 我開頭諗俾多幾日佢, 如果design 靚都冇所謂啦, 點知佢冇晒影, 仲有呀, 我出既價錢係三房兩廳淨傢私十幾萬, 可能佢嫌少啦, 我好嬲, 你唔接既話一句冇期就ok啦, 做咩要拖客先? 好過份!

佢呢間野係one man bank, 千期唔好以為係大野。

更新:

* 我而家搵咗另一間做田園設計, 全屋三房兩廳再加主人房升高地台, 先剛好5萬, 抵好多, 不過d傢私下星期先到, 我都未知是否完全ok, 所以等埋先同網友補充啦。

更新 2:

* 我想講佢係one man band, 我地先頭約佢傾圖, 佢已經送過一次飛機, 另一次遲到, 因為佢要自己落埋site, 成個office得佢一個同另一個做assistant既男仔。

5 個解答

評分
  • 1 十年前
    最愛解答

    我前幾日都去左Home Work Interior睇過, 畫左過初稿, 確實價錢未知, 大約十萬多(2房2廳, 廚房同廁所唔駛整), 你提到嘅情形我未遇到, 因為都係剛開始亦冇落訂金, 不過嗰日佢又好似幾細心, 我地都好多雜物, 毛公仔, 飾品, 書, 等等, 佢都問得幾仔細, 先發覺我地好多野遺忘左, 佢個設計都幾合我地需求, 不過沒實物睇都難知道佢地d手工.

    尋日我去左另一間叫Art Deco Furniture睇過, d手工唔錯, 款式都幾多, 唔知你有冇朋友幫襯過呢? 淨傢俬11萬, 佢地D shop開喺跑馬地, 灣仔皇后大道東, 同埋海港城, 我諗應該唔差, 信譽都應該ok, 不過找d間就要另外搵裝修, 如果價錢同home work差唔多, 我諗會找d間, 我未知裝修要幾錢, 淨係整過d牆, 同埋油過d門嘅顏色.

    聽日我會去西貢同九龍灣國際展貿睇埋先, 西貢嗰間係我老公同事嘅朋友最近幫襯過, 話d手工唔錯, 價錢只係出面嘅三份一, 不過佢冇問即係幾錢, 另外喺國際展貿嗰間叫”藝林莊”, 我以前都做過一個地櫃同coffee table, 設計同手工都唔錯, d木好實淨, 佢話係紅木.

    我找home work interior之前都找過一間仲差, 叫xx情x中心, 又貴又求其, 都似你講咁唔知係米嫌我地細客, never mind, 反正又唔係佢一間.

    你d傢俬收左未? 如果收左想睇下你D comment,

    之前我上網搵過有關d類型嘅傢俬, 如果唔駛訂造嘅話, 一間叫[手工雜貨]D價錢都幾合理, 遲d等我攪掂晒間屋, 都會去搵D accessories, 大家interest嘅話可以去以下網頁睇睇. 聽日等我睇埋其它再同大家分享

    [手工雜貨] 地址 : 九龍 牛頭角道 77 號 (九龍灣地鐵站出)

    淘大商場 2 字樓 創業徑 A53 號舖 (( 即 現代教育 補習社 隔離 ))

    電話 : 6432 9860

    網址 : http://groups.msn.com/64329860

  • 1 十年前

    hm_bella8,

    I also had the same experience!!! Met Miss Hung in her office in Wan Chai. She seemed to be so helpful at the first meeting but later on, she just kept delaying...

    Very irresponsible!!

    Thanks for your post!!

  • 1 十年前

    介紹下你依家用邊間,有冇網址提供?

  • 1 十年前

    您講果間 home work interior 係咪有係的雜誌影個田園裝修示範 . 如果淨傢私費要十幾萬, 真係超貴. 可否介紹下您而家用果間裝修公司, 等的綱友可以有個參考.

  • 你覺得這個解答怎樣?你可以登入投選解答。
  • 1 十年前

    係意思呀? one man bank ?

    聽你所講佢真係好冇問題喎,住宅三房兩廳起圖要3個星期,太耐啦....

    其實出面做ga會係,一路開工裝修,一路出圖ga....

    仲係佢會係開工之前講好,幾時可以完工...如果真係拖你ga你可以要求扣佢錢呀。

    其實你搵得設計,三房兩廳淨傢私十幾萬,都吾算貴ga啦.....

    資料來源: 自己
還有問題嗎?立即提問即可得到解答。