Yahoo 知識+ 將於 2021 年 5 月 4 日 (美國東岸時間) 停止服務,而 Yahoo 知識+ 網站現已轉為僅限瀏覽模式。其他 Yahoo 資產或服務,或你的 Yahoo 帳戶將不會有任何變更。你可以在此服務中心網頁進一步了解 Yahoo 知識+ 停止服務的事宜,以及了解如何下載你的資料。

那裡學英文最好又唔貴

我既英文好差,想搵間好D既學校補讀~~唔知有無人可以幫下我,唔該~~~

2 個解答

評分
  • ?
    Lv 7
    1 十年前
    最愛解答

    其實係補習界入面,大多會考生選擇的英文老師通常都係(現代)1. K.Oten、2. Patrick Chan、3. Ken & Roger、4.Ken & Ray (英皇)5. F.Shum、6. Derek Liu、7. Mia Wong (遵理)8. Richard Eng、9. June Leung 及(EL)Amanda Tann

    我係應屆會考生,係過去準備會考既時候...

    我補過現代既 K.Oten及Ken & Roger、英皇既F.Shum、 Derek Liu、Mia Wong同埋遵理既 June Leung

    首先講下K.oten,我係5月尾既時候補佢,係我ce最後一個接觸既補習老師~

    我補左個oral workshop (capture a plan b 3-4堂)

    感覺幾好,人氣極高,我之前上堂6間房一齊上,佢真係有好多教材俾學生用,而且教書易明,好照顧學生需要~好似講一d考生成日錯既讀音,佢搵個外國助教錄 哂d字點讀,等我地可以學到正規既英語發音~真係一個唔錯既選擇^o^"~講到tips題佢今年咩paper都中好多=o=有d後悔之前無補佢常規課程! ~

    再講下Ken & Roger,佢地d tips真係幾準,年年實有野中,最好係中作文,而且會成日派書俾我地,上Roger堂感覺真係唔錯,佢教d野好有用,真係英文好勁,但係又唔會講到太 深,可以照顧到學生既需要。但係ken就差小小喇...因為有點悶..不過有彩色notes可提下神。好彩roger上3堂,ken就上1堂,總括黎講都 ok架~補左個intensive全期都無後悔~

    講完現代,講英皇~

    英皇既F.Shum<=20000個後悔補過佢,之前聽人講佢教得好..原來都係假架\"/~

    我上左佢成6個月...佢最好既地方就係個網頁.不過登入與否唔差好遠。佢上堂最鍾意就係話"今堂唔會抄好多野"之後成堂都係抄野...對住佢真係好無 奈..本來想走好耐,但係因為佢上3堂.第4堂d野佢講到好似好有用..之後再上3堂又係廢咁樣...就係咁我被佢呃左好多$.其實所為謂有用既野我覺得 係會考度無咩用lo,最過份既就係佢播帶既問題,上堂講唔哂既野,下堂可以咩都唔講,派新notes=.=~最過份係上佢堂其實可以話唔係上緊英文堂\ "/~佢講中文多過講英文幾百倍~

    Derek Liu我就補過佢個workshop,但係我覺得補佢既人要英文超勁先得=.=~因為佢唔多照顧較低程度學生既需要,我英文唔算好勁...上堂都算辛 苦.....而且佢好「蕭源」feel廢話連連....但係如果對比f.s佢好好多....有樣野值得一提既就係...有d f.s話用好既野..Derek話唔好...ban左..所以.....我真係覺得補f.s=想成績差~

    至於mia就唔錯既,我係當代補過佢intensive,教d野既幾有用,但係我有個fd話佢抄oten....係唔係我就唔知喇~之前係當代補佢真係又 平又抵~算係一個好選擇....但係佢過左英皇..加左價....價錢就貴左好多喇...但係你都可以諗諗既,佢都係一個好老師!~我受益都唔細架~

    最後係遵理既 June Leung,我補過佢3個月到喇~其實佢都係一個唔錯既選擇黎架,又有網站支援,教d野又多,起初佢俾我既感覺都好好架,不過有個好問題...就係佢多數 都教唔哂書....要補課..雖然係免費..但時間唔定時,之不過如果你自己既時間許可,真係不錯架~特別值得一提既就係上完一期(4堂)後,佢會派隻 cd,記錄哂一d佢上堂講過既重要野,用黎溫書,e樣野我暫時未見過其他補習老師做到~

    如果你叫我綜合所有野將佢地(我補過既英文名師)排名,應該會係咁

    1. K.oten (現代)

    2.Mia wong (英皇)

    3.Ken & Roger (現代)

    4.June Leung (遵理)

    5.Derek Liu (英皇)

    6.F.Shum (英皇)

    雖然我只係補過k.oten既paper4,但係我聽我個fd講佢教d野真係幾全面,我補過佢paper4覺得好好~睇過佢paper1、2既notes 都有好多既支援~我個fd補左佢之後paper2有明顯既進步~我個fd話佢最勁係教paper3,如果我當初有補佢就好喇=.=......

    咁講下一d其餘既名師喇~現代既Patrick Chan,其實幾好架,以我所知,一般會考補習課程都係1小時15分鐘,但係佢既課程只有1小時,雖然係咁,但係依然有好多學生報讀,原因當然係佢教得好 喇,聽過不少身邊的朋友說過,上他1小時的課絕對比其他導師1小時15分鐘所學還多,不過要注意既就係佢上堂抄好多野,就係因為咁...所以我無簡到佢 (因為我唔太鐘意溫手抄筆記),但係只係計教學上既野,佢的確係一個唔錯既選擇!~我身邊好多人補左佢都有明顯既進步!~我遲D都會試試!~

    而Ken & Ray ,我就覺得一般喇...因為有fd補過佢地,但係覺得學既野唔多...而且好多悶場...如果簡Ken & Ray,不如簡 Ken & Roger,因為Ray比不上Roger好~

    至於el既 Amanda Tann,起初我都有諗過,好似係唔錯既選擇....但係我睇返補佢d人英文成績都係差果群.....不進反退...不過可能係佢地既問題喇~升到中六,我諗我會試試既~

    而Richard Eng..我無諗過補佢....因為佢俾我既形象....唔可靠.....

    最後綜合以上,我建議你可以係佢地幾個之間再取捨

    1. K.oten (現代)

    2.Patrick Chan(現代)

    3.Mia wong (英皇)

    4.Ken & Roger (現代)

    5.June Leung (遵理)

    6.Amanda Tann(EL)

    排名按推介的先後排列!~

    我建議你長補K.OTEN 之後再報ken&roger精讀班/tips class!~

  • 1 十年前

    自己學都得架!! 唔一定要人教先學到野架嘛~~ 最緊要係有心!! 唔識可以問下d英文叻既朋友, 上網搵都得架!!!

    學英文, 首先識聽同講先!!

    聽&gt;&gt; 睇新聞係一個唔錯既choice, 先睇中文version, 有左個main concept先, 再睇返英文version, 你可以學到點樣將中文變英文, 仲可以學到生字添!!! 明珠台既新聞係英文subtitle, record左佢, 咁你就可以慢慢抄啦~~~

    講&gt;&gt;如果你大膽既, 可以去d tourist attractions or 蘭桂芳同外國人傾下計, 又或者上網同d外國人chat都得架!! 其實, 只要你肯開口就得架喇!!! 仲有, 搵d有prononciation既字典黎查!! 例如yahoo.

    之後就要增加自己既vocab!! 可以睇書, 上網搵d有中英version既野睇黎, 例如影評, 新聞, etc. 有唔明而果個字係成句既關鍵先去查字典, e.g You are absolute beautiful &lt;&lt; 你唔識absolute點解但你又明句野大概講咩既, 咁就可以ignore左absolute喇!! (當然, 查左會學多個字, 不過緊住個個字都查會令到你對英文反感架!!!) shopping既時候又可以留意一下有英文既地方, foods&#39; names, books&#39; catagories, etc. 仲有, 記住prepare一本簿記低d生字, 得閒拎睇下, 溫故知新!!! 與此同時, 你都可以學埋grammar!! 留意人地點寫, 睇多d自然就會知道某d grammar rules!! 有唔明就問人/上網搵 (我見到knowledge+都有好多關於grammar既野, 應該都幫到你既~~)

    最後係寫喇... 習慣自己用英文寫野, e.g.用英文打blog!! actually, 寫同grammar+vocab係同一時間做!!

    學英文真係有好多好多方法, 爭在你肯唔肯去做!! 比錢出去學但又唔下苦功都係嘥氣!! 其實只要你肯比心機, 係邊到學都係一樣既啫, right??

    資料來源: me =]
還有問題嗎?立即提問即可得到解答。