請問有無人有經驗被銀行或財務公司追債 ？

Question

請問有無人有經驗被銀行或財務公司追債 ？

一般程序、手法如何？何否分享一吓不幸經驗 ！

人生有高、低潮..................

謝謝

更新:

若被電話或上門過份追逼而債仔可証明自己暫時無力還任何款項，在申請破產及申請公援，可否申請法庭禁制令使追數行動暫停騷擾？

當然債仔平衡噃自己生活之後要自動清債(一次個或接一期一期)

Answer 1

最愛解答

銀行一般會首先自己追,就係不斷打電話畀你,

如果追唔到,就會交畀專門追數既財務公司去追,

果d專門追數既財務公司首先都係不斷打電話畀你,

之後會上門搵你,煩到你還$$為止,

如果係正規既銀行,佢地搵既專門追數既財務公司d人都好師文既,

唔會喊打喊剎,但都唔係好蝦果隻囉,佢地可能會恐嚇你,

如果d唔係好正規既財務公司追債手法就.....唔係好清楚喇

你睇報紙或者電視都見過啦...淋油..鎖閘..迫良為娼........

Answer 2

試過比恆生 AND 大新交比收數公司追數，頭幾日就打比你，第4日開始送信上屋企，因為我早出晚歸，所以唔知幾時嚟過加上又自己住；不過佢哋都好難揾到我，因為我唔聽電話，和佢哋都冇我公司資料。試過有朝聽到恆生收數公司嘅電話，果個人根本都唔比我講，佢問我我話做唔到，佢就收線再打過嚟，一小時內打左幾十次，結果我打去同銀行傾，收數公司咁就冇打嚟，我係星期一同銀行傾話星期五入$$，但到星期五上午銀行CHECK到末有數，收數公司又即刻打嚟，最後我係兩間銀行嘅數全部係兩星期內還清(由追數嘅第1日計)，大新收數公司好似有禮貌D，最少肯同你傾。