Z 發問於 商業及金融租務及房地產 · 1 十年前

香港人喜買樓?

點解香港人個個目標都係買樓?

3 個解答

評分
  • 最愛解答

    買樓 vs 租樓

    事先聲明, 我唔係地產經紀, 無利益衡宊.

    對於買定租, 首先就要睇下我地討論緊d咩野, 其中重要的一點就係住的問題, 其實每個人都有住的需要, 你一定要搵地方住, 一係買, 一係租, 一係就寄人籬下.

    (一) 居住成本

    先講租樓: 租屋住的居住成本在於租金, 租金俾左出去就攞唔番, 呢個係支出. 而租金亦會隨通脹上升. 雖然過往呢幾年香港通縮, 但係長遠來港都係有通脹的.

    (呢到就有過往十年通脹數據: http://hk.myblog.yahoo.com/jw!xo.pX2.CEQMWHWYi0z5N... )

    再講買樓: 買樓的居住成本在於利息支出. 記住係利息支出, 並非供樓支出. 供樓款項中的利息部份如租金一樣係撥出去的水, 收唔番的. 除此之外當然還有差餉同埋地稅等開支(其實租樓唔係無呢d開支, 只不過係租金已經反影左) 另外就係你俾的首期的機會成本(你可能運用呢筆手期係第二度賺取更多的回報)

    所以要比較租樓定係買樓, 就要比較利息開支的分別. 以借200萬30年為例: 供款11356其中2189為本金, 利息為9166亦即係你的居住成本, 再加埋管理費同埋其他差餉等應該要加多1500左右. 而租一層200萬左右的樓租金亦要約$9000. 即係買樓的成本係第一年俾租樓高約1500. 但係係利息會因你還款增加而日漸減少. 相反租樓支出會伴隨通脹增加.

    再且, 上面提到每個人有住的需要, 買一層樓其實為我地自己呢個需要做左對沖. 唔會因為日後樓價或租金狂升而冒上風險. 而你決定唔買樓其實就係等於沽左樓市, 睇樓市跌睇通脹升幅溫和, 事實上你亦承擔緊風險.

    (二) 買樓具備投資功能 (而且係孖展槓桿功能, 除非你有錢到一次過俾)

    有好多人聽到孖展就會張開大口 "0華, 風險好大, 唔好預我" 卻不知買樓其實就係參予孖展買賣.

    你俾的首期就係孖展按金, 按金一般為3成, 有些人會用二按或按揭保險等使按金下降至5%. 首期愈低槓1桿比率愈高. 以5%首期為例, 槓桿比率高達20倍. 當你負資產時其實銀行有權call你孖展, 叫你俾多d首期. 當然這好少發生, 但你一但欠供幾期, 銀行就可以斬你倉, 即收你樓.

    樓宇按揭係現時市場上最低利息的貸款. 銀行唔會以低息俾你去買股票, 買基金(銀行覺得風險好大) 但係銀行就會肯借錢俾你去買樓. 你可以低至用首期5%去買一層樓. 其槓桿部數為20倍. 即係話你用10蚊去杆桿持有200蚊的資產. 你以10萬的本金去槓桿持有200萬資產的升跌能力. 樓價升10%你本金就升200%. (當然你亦有可能變負資產)

    (三) 講到尾, 買樓就係投資, 唔好話俾自己知只係買來住. 因為你參予緊孖展買賣, 風險好大.

    講投資就要認真, 唔係講玩, 如果唔係過大海賭兩手好過. 而投資就要睇價位, 睇下個價錢高唔高, 個單位抵唔抵. 更重要就係要檢視自己的能力. 睇下是否有能力供款.

    (四) 租樓具備彈性

    而租樓的好處就彈性大. 你可以險時選擇搬. 一時喜歡住村屋亨受寧靜的郊外環境, 一時喜歡繁華鬧市你又得. 當然買樓你亦可以時常轉換環境, 但卻要考慮交易成本和樓價升跌, 所以彈性小很多. 此外買樓前亦可考慮在心儀區域先租. 以確定是否適合自己.

    最後, 我會傾向買樓多些, 因為買樓是一項投資, 它提供回報機會. 而租樓是一項支出. 它只能在你口袋取走你的錢.

  • 1 十年前

    點解香港人個個目標都係買樓?

    1. 買樓既可投資又可保值

    2.每個人都希望有一個安樂窩

    3.租樓不化算,續約時業主有機會加租

    4.租樓有時會貴過供樓

  • 匿名
    1 十年前

    保值lo

    買樓先有頭有面

    起碼唔駛寄人籬下

    呢d就係香港人同其他地方既人既唔同之處

    香港人頻頻撲撲就為左屠百幾二百萬既樓,其他地方既就會為左衣食住行

    而煩惱

還有問題嗎?立即提問即可得到解答。