Fish 發問於 旅遊亞太地區日本 · 1 十年前

日本旅遊好多問!!! (20點) 4月14出發去日本, 五日跟團,兩日自遊行

QUESTIONS

1 . 原宿要預幾多時間行呢??

(好多人話一日都行唔完,但係我同bf都target一d平野...唔知半日o唔ok呢??)

2. 淺草除左雷門寺仲有冇野值得一行呢??

3. 上野係唔係好多平野??(我同bf都target一d平野...唔知半日o唔ok呢??)

4. 近期天氣反常...日本仲落雪...我地應該著咩衫去呀??

5. 如果入Disneyland之前去一去Garden Walk 夠唔夠時間呢??

6. 由Disneyland 去Garden Walk 要幾耐呢?同埋點去呢??

7. 可唔可以recommend一d東京平野集中地??(最好有埋地址同埋點去既方法)

8. 有d乜野係必食既野呀??(除左生野...我同bf都唔食魚生既...)

9. 對於上面既行程有咩意見呢??點樣會好d??

更新:

行程:

Day 1

JAL 10:30機...

成田空港

台場懷舊商店街

Sony 未來高科技家居城

彩虹橋

Day 2

箱根大涌谷

蘆之湖和庭園

露天溫泉酒店

Day 3

香草園

富士急

電器城

歌舞妓町&新宿地下街

Day 4

Disneyland

Day 5

皇宮二重橋

銀座

之後開始自遊行

先去新宿vintage check-in

再留喺新宿行街

Day 6

先去原宿行一陣

淺草雷門寺

上野 (行街)

Day 7

check-out左之後

都係喺新宿行...

2 個解答

評分
  • 1 十年前
    最愛解答

    1. 原宿跟新宿不是walking distance,還是跟涉谷較近。 原宿有竹下通、LaForet、裏原宿、多家Beams。除可行往涉谷,亦可往青山名店區,視乎你的喜好。對我來說,我多數會預半日給原宿,然後沿明治通行往涉谷(沿途必經Burberry Blue Label專門店),行足一日好夠了!

    2. 淺草還有合羽橋道具街,賣的是廚房用品、道具,除了煲罉碗碟外,還有那些造型栩栩如生的食物模型,買來當手信一流。

    3. 上野有條ami橫町,雜貨攤乜都有,波鞋、衣服、食物,老實講,衣服的款式質素唔太好,我來這裏多數是買嘢食。一些導遊會賣給你的食物,在這裏都可以搵到,例如帶子乾、冬菇茶、雞泡魚乾等等,價錢平好多呢!

    4. 日本出入都有暖氣,千祈唔好着羊毛底衫,否則會拮肉。我建議你帶頸巾好過穿樽領,入屋可以除下。我看你的行程大部份都在室內,除了在箱根和第4日在迪士尼,那裏較空曠,會很大風呢,那天你就要多帶禦寒衣物。不過還是建議你出發前先check天氣呢!

    5. 迪士尼通常都去全日,或者你可以玩半日再去garden Walk都未遲,但我覺得garden walk啲嘢冇想像中平,而且冇御殿場outlet咁大,但地方好靚,都幾好行。附近重有2個商場好多野食,視乎你要行幾耐啦!

    6. 由迪士尼的JR舞濱站乘京葉線至海濱幕張站約18分鐘

    7. 我建議你去下北澤,一條街有好多嘢賣,衫褲鞋襪、精品、玩具乜都有,由新宿站乘小田急小田原線至下北澤站,在北出口方向,就有多間店舖,又係可以行半日。

    8. 咖喱,好好味(新宿中村屋:新宿區新宿3-26-13);串燒,在新宿站西出口(對面馬路係Bic Camera、旁邊係Sakuraya電器店)有一條「思出橫丁」,入面有好多間串燒店,由100yen一串起。

    9. 如果係我,最後果日去完皇宮(甚至唔去),就唔跟大隊去銀座,因為銀座多數係百貨公司,還有一間玩具博品館(其實係玩具店嚟),基本上冇乜嘢好睇。建議你先將行李去Check in,然後行原宿涉谷。Day 6去完淺草雷門和上野,返酒店小休後就留喺新宿購物,新宿有些店是開到9時,有間叫激安之殿堂係24小時營業,有化妝品、名版手袋、電器、數碼產品、放行喼、食物乜都有得買,地址:新宿歌舞伎町1-16-5(亦可以在Day 3晚逛)。Day 7作最後衝次。

    資料來源: 自己的經驗
  • 1 十年前

    1.你要順路走, 原宿+涉谷。如果每間鋪都睇及試,個人覺勉强,請自己控制時間。

    2. 淺草附近有專買廚具用品的地方都好抵(日式碗......)吃的店天婦羅、鰻魚.....

    3. 上野買食物!!其他款式東西......我唔會買,有藥房護膚(日本自己牌子)很平

    4. 我建議:長袖衣、一件外衣(要厚厚地,不要太薄)、頸巾、手套(如果外衣不能插手),要隨時除得。室內熱到底濕,箱根、迪士尼起風就凍。導遊出發前call你再問他天氣呢!

    5. 如你愛玩迪士尼通常都去一日(晚上看煙花才走),我試過上半日去garden Walk,下半目入迪士尼(問導遊張票是否有限制,e.g.1日自由出入的?)garden walk價錢不覺平!去outlet/市場買就不太貴(看你買?)

    8. 拉麵、咖喱......周圍好多,人多的通常好味亦不貴

    9.前面的朋友已說了,我也覺正路!哈!Day 7飛機?時,記住新例有些東西一定要寄倉,我有個無記性的朋友,最後衝次買了液狀的東西忘了寄倉,在机場趕唔切再寄,結果掉了!

還有問題嗎?立即提問即可得到解答。