tim 發問於 商業及金融投資 · 1 十年前

銀行股票戶口收費問題

我想申請一個股票戶口買賣股票,認購新股

邊間銀行收費平d呢?

匯豐銀行收費又點呢?,

同埋要唔要收月費或年費呢?

戶口結存要唔要5000以上呢?

唔該哂~~

2 個解答

評分
  • 1 十年前
    最愛解答

    開股票戶口啦,建議你去中銀香港/南洋商業銀行/集友銀行 開股票戶口,如果你冇買賣,戶口冇股票,基本上完全冇費用,連 savings 戶口既最低存款額都冇 min balance ...即係戶口唔駛存 5000蚊(因為有股票戶口,所以savings account 既最低存款額都免咗)

    如果買左股票係度,賬戶每年5月及11月最後營業日賬戶結存計收,保管費 每手HKD0.15 min HKD100.00 (即係你到收費期前賣哂d股票就唔駛收,不過如果賺既,照收亦好平之嘛)

    買賣股票服務手續費收費方面,詳情可 click 入下列網址參考,當然係每次都要收存啦 http://www.bochk.com/ /web/common/wide_mul ti_section.xml?secti on=investment&le vel_2=services_charg es&fldr_id=499

    買賣股票既費用 :經紀佣金、 0.1%印花稅、0.004%證監會交易徵費 、0.005%香港交易所交易費,咁佣金間間銀行都唔同,中銀集團既收費係:

    每筆網上/電話交易(不經人手接聽) commission 係 0.15% (標準係0.25%,一路都話係優惠期內會係 0.15%,個優惠期一路都冇stop,我自己都用左三年),最低收費 $80 蚊

    其他銀行一般都收 0.25% (匯豐同恆生都係) ,而有d理財戶有少部份收 0.125% ,但係最低收費要 $100 蚊,而且個理財戶要 keep 大額既存款係度,咁交易金額唔太大,現金唔多既話,中銀都算好抵 (中銀理財戶都有 0.125%)

    股票戶口可以係櫃位/電話/網上買賣股票(要同時要求銀行開埋電話理財功能,之後自己係網上登記啟動),同個職員講你想開個股票戶口,重要開個儲蓄戶口作為結算戶口 (settlement account),咁你買入股票同沽出股票的錢都會係呢個戶口扣數同入數既。佢就會幫你攪架喇。你去開戶口,就要帶:1. 身份證; 2.住址證明 (一般要三個月內); 3. 錢 (用黎開 savings 戶口)

    中銀網上每月都有 500 次免費詳細報價,如果係用簡易報價 ,基本可以任查 ,

    詳細報價好好用,有股票既所以基本資料,有新聞,相關認股證、買入/沽出盤之數量/金額、市場成交等等 ,登入網上理財去睇股票資料,大路資料有好多,如:主要指數 (恆指、國企、中企、創業版等)、市場新聞、最活潑港股(成交額、成交量等),好多資料睇。

    如果有買賣 (交易金額累計大於 $50,000),就加 200 次,比多d機會你緊貼市場動勢!

    另外,中銀網上、電話都有新股認購服務,上網 click 就可以認購,收費只收 $50.00 (中銀理財戶口免費架),如果你想融資買股票,中銀重有網上融資,即係於網上申請借錢買股票 (一般要比 margin 10%),真係好方便架。

    如果你係新手,如果唔係多買股票,建議你係有新股上市時以白表認購。

    白表係一隻股票新上市之前,係於上市公開認購用既申請表,如果有股票上市,打算認購的人就要去攞白表,隻隻股票的收票行都唔一樣既,想知就可以上港交所網頁 ( http://www.hkex.com./ hk/listing/newlist/p rospectus_c.htm) 睇,填好白表連同支票 (要自己名義開的支票或銀行本票) 於截止前交回收票行 。

    一樣到上市前一天,就會有公開發售結果,會係指定報紙及港交所睇到,如果有抽中,股票就會以實物寄出去認購人的地址度,一般上市當日就好收到架喇。咁實股係要存倉先可買賣的,一般係 14天,中銀香港有時係會通融一交去存入就可以沽出,不過係次次股票都唔同,算係臨時的政策,所以,你到時可以問一問架。

    希望幫到你

  • 1 十年前

    正常講應該差不多

    最重要是看其他的存倉費及行政費等。

    多數唔收月費或年費,不過可能要meet 交易quota。

    證券行會比銀行平,不過過數及提款無銀行方便。

    你可上web site 看看,東亞,匯豐,恆生我都比較過,不過是用開的大福證券最平。

還有問題嗎?立即提問即可得到解答。