Yahoo 知識+ 將於 2021 年 5 月 4 日 (美國東岸時間) 停止服務。從 2021 年 4 月 20 日 (美國東岸時間) 起,Yahoo 知識+ 網站將轉為僅限瀏覽模式。其他 Yahoo 資產或服務,或你的 Yahoo 帳戶將不會有任何變更。你可以在此服務中心網頁進一步了解 Yahoo 知識+ 停止服務的事宜,以及了解如何下載你的資料。

Teresa Lai Nga 發問於 寵物 · 1 十年前

{急} 8個月大史納莎, 當佢屋企無人或被困時就吠得很利害, 及在家中起腳小便, 如何解決??

我剛收養了一隻8個月大既史納莎仔, 已經到了我家3天。發現他有兩個問題:

1) 當獨處時或被困時會吠得很利害, 但有人在場時, 狗狗可以很安靜, 連對陌生人也可以不吠。管理處已經向我們投訴了, 父母亦開始有點反感。是否真的要用口罩罰他或嚴厲至打他呢?

2) 狗狗的小便習慣是昇起左腳, 他一到步已經在家中差不多每個牆角小便過。大聲喝他以後, 情況依舊。因為我只能晚上下班後帶他去散步順便大小便, 怎樣去安排放置廁所位置又放便容易點教懂他在家裡上廁所呢?

我已經安排這農曆新年假期好好的教育他。請問各位有什麼辦法可以2周內, 讓狗狗學懂呢? 如過了這個假期, 還是解決不了, 可能便需要把狗狗送回舊主人處了, 這個是最不希望的答案。

7 個解答

評分
  • 1 十年前
    最愛解答

    首先我好同情你,你好心收養棄狗,結果狗狗唔合作搞到咁麻煩,不過幸好你還未放棄佢。放心吧,我相信你會成功的。

    問題1)有些狗狗吠係表示不滿,佢不滿被困籠,亦不滿被獨留在家,因害怕又被遺棄。(我有朋友的史納沙不斷吠要主人帶佢去街街,但因為打風落雨主人唔帶佢去,結果鄰居不堪狗吠聲而報警)試下以下辦法:

    1.利用可塞食物進去的耐咬玩具,呢類玩具最啱為食狗同嗅覺靈敏的狗,佢聞到裡面的食物香味,會千方萬計咬佢出來食,到時掛住咬,都唔理家裡有冇人。記住只在主人出門時才拿出來俾佢玩,要做到好珍貴咁。

    2.多養一隻狗陪佢。

    3.在你出門前,先帶佢跑步,搞到佢好累,咁佢一回家就大覺瞓,唔會理你出門口。

    4.訓練佢習慣你出門。平時假扮出門,一陣間就返來,因為時間短,狗狗唔會吠,然後逐漸將假扮出門的時間拉長,一日練習一兩次,由開始一分鐘,漸漸拉長到十五分鐘、半粒鐘、一粒鐘,等佢知道唔駛鬼叫,主人出門後是會回來的,隨著佢長大智慧增長,慢慢會識得冷靜等待主人返來。

    問題2)佢來到新環境,因為仲未搞清楚家中的上下階級,亦未認定誰是主人,所以便以小便來宣示主權,即係霸地盤。當然你要俾佢知道誰是主人,要恩威並施,賞罰分明。而教正確的大小便方法如下:

    首先用欄柵限制佢的活動範圍,在那範圍內放有牠的廁所,你進去陪牠,當見佢有尿意便抱佢到那廁所內解決,同時叫佢噓噓,佢乖乖解決完你便誇張地讚佢,俾小食佢食同佢玩。但即使佢小便錯了地方,也不要打罵牠,只要無視牠,靜靜地抺乾淨,(清除尿味)便可,最重要的是俾佢知道佢做啱事情與做錯事情,主人反應的截然不同,對比越鮮明越好。做對時主人讚要好誇張,做錯時主人會唔同佢玩,唔望佢唔睬佢。

    照以上方法不斷重複,大概半個月至一個月度,牠便應該知道你想佢在哪裡大小便,正確度會提高。而屎尿要盡快清理,否則佢見廁所咁污糟,會唔肯再進裡面解決,會另覓乾淨的地方解決。所以大小便錯了地方,其實主人都有責任,不應隨便為這種事便打罵小狗。

    p.s

    我好反對主人為狗狗去錯廁所而打狗狗的做法,因為狗狗思想好單純(是3~5歲小朋友的智慧),佢唔會知道你打佢係因為佢去錯廁所地點,只會以為你打佢(尤其是捉住佢去聞自己的屎尿)係因為你唔中意佢啲大小便,為怕主人打罵便死忍爛忍,忍出尿道炎腎結石等病來,甚至偷偷吃掉自己的屎屎來湮滅證據,咁就死啦。

    資料來源: 100個不可不知的狗問題
  • 1 十年前

    good ans.

  • 1 十年前

    如果你想教狗狗去次所

    可以係你想佢係邊到去方便既地方擺一個盆佢一係果到方便左

    你要即刻讚佢:good boy/girl﹗

    慢慢佢就會知道要去果到去架啦

    我係隻狗狗3個月大果時就教佢

    2/3個禮拜佢就識

    佢e家3歲,我幫佢轉地方方便

    二日佢就學識

  • 1 十年前

    你養狗的態度真的有問題. 教不好狗兒便把牠送走, 太不負責任了.

    我建議你立即上Animal Planet 個website. 佢有短片教狗, 有個case, 同你的一樣. 佢好似要用Kong 這種玩具, 你早些買, 因新年好多舖都放假.

    1.在你放假前, 當無人時, 你要困佢入籠, 你可以開個收音機比佢. 你回家後, 不要立即放牠出來. 相信, 佢可能已經大叫. 你要用命令的語氣叫佢個名, 跟住叫”收聲”. 如果, 佢真的做到, 你要高聲讚佢, Good Boy, 比小食佢, 仲要用手撫摸佢, 才放佢出來. 要等佢做到才放佢出來. 這個訓練要不斷重覆, 佢才會明白入籠都有好嘢! 如果你成功, 你最好教你父母一齊做, 咁隻狗先會聽所有人話

    2.周圍小便問題, 最終解決的方法是做絕育手術. 沒有做絕育手術的狗仔會到處小便去劃地盤. 依家, 你要佢困籠, 放佢出來時要第一時間帶佢去正確去廁所的地方..如果, 佢真的做到, 你要高聲讚佢, Good Boy, 比小食佢, 仲要用手撫摸佢. 最好, 安排個狗廁所在人的廁所內, 你可以困佢在廁所. 你可以用報紙或廁板

    3.佢周圍小便過的地方, 要用開希過的漂白水拖下, 乾淨後用開希的vinegar抹下闢味.

    4.你大聲喝狗和打狗, 其實作用不大. 獸醫話狗對痛的感覺唔強烈, 相反, 對撫摸和讚美非常強烈. 現代的狗隻訓練, 都採用撫摸和讚美的方法

    史納莎聰明易教, 應該好快學會

  • 你覺得這個解答怎樣?你可以登入投選解答。
  • 1 十年前

    第一因佢怕..同如果真係吠得大多..可買一條狗帶..有電擊的..帶左佢就唔會吠..可能會好殘忍...但你知依家好多地方都唔比養...同以免比人投訢

    第二你應當佢周圍去廁所之後,,,你要狠心打佢...

    當佢去完(指是周圍去)

    你要捉住佢聞返自己d尿味或糞便味

    之後要佢一路聞一路打佢...

    之後拉佢入去你想佢去的地方..之後大聱叫佢...要係依度去...同你要打一打地下...話比佢知...教多幾次都ok啦

  • 1 十年前

    可以用食物

  • 1 十年前

    Find the vet.

還有問題嗎?立即提問即可得到解答。