匿名
匿名 發問於 商業及金融其他 - 商業及金融 · 1 十年前

RE: 勞工問題(放年假) **急**(唔要COPY)

放年假問題:

1) 如果公司從來無任何僱員合約, 只係口頭講, 得唔得?? 係咪僱員無乜保障 ??

2) 如果以前一路做落, 放年假係由年廿九/三十放到初七左右, 可唔可以突然話改就改.

(改初四開工) ** 公司從來唔睇風水開工 **

3) 仲有, 病假係咪都可以儲 ?? 如果響一間公司度做左成幾年, 又未攞過病假的話, 係咪可 以追翻?? 仲有點計??

4) 如果佢請我個陣, 我只係跟單, 但係佢又要我做埋船務工作, 可唔可以唔做?? (無合約喎)

3 個解答

評分
  • Mandy
    Lv 5
    1 十年前
    最愛解答

    1)  即使公司從來無任何僱傭合約,只得口頭協議,都是成立而受到法律約束的。當然,如果將來老闆與員工有意見分歧,沒有合約的話,會好難爭取到共識。所以為左保障自己,盡量影印低一些資料紀錄會好啲。 (例如每年的放假紀錄等)

    2)  放農曆年假,勞工處只規定一定要放初一至放三,如果公司批准員工放長一點,只是公司的福利。但這並不是硬性的,不是上往是這樣,今年就要一樣的。所以....老闆今年要你初四返工,你都要返的,以往放長左,只係老闆好人。

    3)  有薪病假可以儲,每個月可以儲兩天,即係...做左一年都無攞過病假的話,你就儲到 24 天的病假。大吉利是講句,如果你今個月突然有得重病,要一連放 24 天有薪病假,老闆都要批。但注意的是.....當然要有醫生紙寫明你要放這麼多天的病假,而且有薪病假不是 100% 出足的,你那 24 天病假,老闆只需出 5 份之 4 糧給你。如果多過 24 天,則可以扣糧無薪的啦! (你所謂的追翻,是想指你無放過病假,公司要補錢給你?當然沒有這回事啦!)

    4)  如果招聘你時講明你是做文職,現在公司安排其他不是文職的工作給你,你當然可以不接受。甚至返工時間、地點與招聘時所訂立之條件有不同,你都可以不接受。例如明明請你做文員,但之後要求你做埋送貨跟車,咁就一定要有傾返合理的僱傭條款,薪金或福利都要相對地有所調整,雙方同意下才可以。但假若招聘你時講明你是做文職 (打字文員),之後公司要你做埋 filling, 影印,會計,甚至幫老闆聽電話,去銀行入票....等其他文職工作,這都是合理的。因為老闆請你時不可能一次過講晒所有的工作範圍吧!因此....你的情況要視乎老闆給你的那些工作性質而定啦。

    -------------------------------------------------------------------------------------------------

    題外話﹕

    就第 4 點的回覆,其中......公司搬遷都算是更改僱傭合約條款,如果公司突然話搬,而且地區偏遠,員工可以要求作出相對的薪金調整或車資補貼。 (當然....現今香港地,為左份工,就算幾遠都要返架啦,好少員工會為左幾十蚊車錢而同老闆開口加人工囉!)

  • 1 十年前

    1) 如果公司從來無任何僱員合約, 只係口頭講, 得唔得?? 係咪僱員無乜保障 ??

    →所謂僱僱合約,是指僱主和僱員訂立的僱傭協議,協議可以書面或口頭方式訂立。但不能違反僱傭條例所賦予僱員的保障,否則協議屬於無效。

    →若果雙方沒有訂立僱傭合約,一切須則按僱傭條例處理。

    2) 如果以前一路做落, 放年假係由年廿九/三十放到初七左右, 可唔可以突然話改就改.

    (改初四開工) ** 公司從來唔睇風水開工 **

    →農曆年初一、二、三屬於勞工處訂定的法定假日,僱主必須安排僱員於法定假日(或後補)休息,年初四開工是正常的安排,而以往你年初七才開工,祇可視為僱主提供之額外假期,況且沒有僱傭合約註明的情況下,現在僱主更改福利亦為不屬違法。

    3) 仲有, 病假係咪都可以儲 ?? 如果響一間公司度做左成幾年, 又未攞過病假的話, 係咪可 以追翻?? 仲有點計??

    →可以累積(儲)的是指有薪病假,即病假超過四天而有醫生證明者可以領取病假津貼,以正常工資的五分四計算。受僱第一年每月可以累積2天,之後每個月可以累積4天,最多可以累積至120天,並無年期限制,等你有需要放病假時可以領取津貼,你冇病冇痛我唔明你想追甚麼,莫非你想病足四個月?

    4) 如果佢請我個陣, 我只係跟單, 但係佢又要我做埋船務工作, 可唔可以唔做?? (無合約喎)

    →僱主請你做跟單,呢個可能祇係一個職位的名稱,而且船務工作亦係屬於文職範圍內,況且完成僱主指派的工作亦係僱員的責任,又或者僱主想給予機會然後升你職加你人工呢;除非僱主安排一些超出正常工序的工作,例如要你搬運或清潔等,你可以考慮拒絕僱主的要求。

  • ?
    Lv 7
    1 十年前

    1) 如果公司從來無任何僱員合約, 只係口頭講, 得唔得?? 係咪僱員無乜保障 ??

    最好有black and white啦, 因為到時如果有爭拗, 吃虧的可能是自己.

    2) 如果以前一路做落, 放年假係由年廿九/三十放到初七左右, 可唔可以突然話改就改.

    (改初四開工) ** 公司從來唔睇風水開工 **

    唔係咁好, 請假最好早d同個boss協商好, 大家都好做.

    3) 仲有, 病假係咪都可以儲 ?? 如果響一間公司度做左成幾年, 又未攞過病假的話, 係咪可 以追翻?? 仲有點計??

    勞工法例,一年有24日病假,每個月兩人,可以累積; 但如果你冇病過, 冇得攞番;

    4) 如果佢請我個陣, 我只係跟單, 但係佢又要我做埋船務工作, 可唔可以唔做?? (無合約喎)

    可以, 因為那僱主特然改變工作性質;

    即使沒有這情形, 你仍可以隨時以任何理由辭職, 只要跟足辭職的做法便可: 通常是頭一個月一日通知,超過一個月或三個月以內一星期通知,試用期後一個月通知.

    2007-02-09 01:22:57 補充:

    病假方面, 是年年清的, 上年累積的不可teng落下一年. 另外, 如果你份合約寫明員工沒有病假補償的, 便要自己出錢看病了, 可能還有扣那天的糧呢!

還有問題嗎?立即提問即可得到解答。