cheungho 發問於 娛樂及音樂電影 · 1 十年前

九十年代香港電影的特色

九十年代香港電影有什麼特色?有什麼代表作?

2 個解答

評分
  • 小榮
    Lv 4
    1 十年前
    最愛解答

    點解呢個問題係「九十年代香港電影有什麼特色?有什麼代表作? 」,而樓上答既全都係八十年代初既恐怖片呢?!完全唔貼題。

    由於時間關係,所以我會答得精簡d,有機會再補充。

    每個時期既電影內容都同當時既歷史背景、有乜大單新聞、當時既潮流和拍攝技術和電影相關人士既發揮有關,但港產電影更會有意無意地模擬外國電影的成功因素.....

    簡單黎講每個時期都有唔同既代表作,如果想知每一年邊套電影最受歡迎又有特色,可以參考金像獎的得獎名單

    http://www.hkfaa.com/   ←金像獎官網

    不過咁,我又可以講多小小。

    時代、歷史方面:

    在九十年代最HIT既話題係移民、回歸前既景況,大家都對97有恐懼,因為港人怕不習慣回歸後的生活模式,所以做就了一個絕佳既電影話題,而90年代初的電影會經常借97發揮劇情,例如富貴開心鬼,人死左都要搵錢移民,問你死未。

    至於地產興旺都係當年既特色,借居住環境做題材的電影亦有不少,例如富貴黃金屋,和第十二屆金像獎的最佳電影「籠民」,借籠民的生活景況和議員到籠屋體驗生活的情節諷刺當年既居住問題,搞到有人冇屋住,有屋冇人住....

    新聞方面,64事件、字母小姐案、屯門色魔、黃德輝綁架案等這些轟動一時的新聞都有被電影改篇,多不勝數。

    當年亦有HIT過短時期的懷舊風, 例如92黑玫瑰對黑玫瑰, 情天霹靂之下集大結局.....

    至於90年代中後期, 97前後亦做就了時代轉變的市民心態, 最佳例子係陳果的「香港製造」和去年煙花特別多、細路祥, 合稱「回歸三步曲」

    至於翻版是當年打擊電影業最嚴重的事情, 所以90年代中後期會較多叫人咪用翻版的電影情節出現, 例如「電影鴨」,雖然劇情胡鬧,但道出電影界被翻版影響的苦況。狗仔隊、肥佬黎都係電影裡常常諷刺的目標, 「超級無敵追女仔2之狗仔雄心」係諷刺傳媒哇眾取寵的喜劇。

    98年左右, 由於經濟不景, 港人都活在煌恐之中, 所以這個時期較多喜劇, 都算係一個特色。

    電影人/演員方面

    在電影人之中,黃百嗚當年出品的「家有喜事」(90年果套)創出了一種合家歡形式的電影風格,之後的「花田喜事」(都係黃百嗚出品)和更多的電影都跟隨這種模式發展,可算是90年代初喜劇特色。還有一些將電影道具突然變大和誇張失實的搞笑喜劇都是90年代才有的,起源聽聞係同當年的遊戲機有關(好似係STREET FIGHT 2既事黎既),事實就不得而知喇,例如超級學校霸王(張衛健主演)、整古王(劉青雲主演)....

    而動作片方面, 徐克和李連杰創出了古裝動作片的熱潮, 自黃飛鴻系列出現後, 有大量改篇小說和歷史人物的動作片相繼面世, 例如方世玉, 洪熙官, 天龍八部之天山童姥, 笑傲江湖系列, 絕代雙嬌.......

    至於當年紅極一時的演員, 對電影界有一定影響, 例如周星馳既逃學威龍, 我相信十個港人,九個半都睇過, 近年都有電影翻炒逃學威龍的橋, 例如韓國的「插班師姐」直情係女版既逃學威龍劇情。

    至於星爺既電影都有不少經典, 例如唐伯虎點秋香, 將古裝片滲入不少現代的事物, 這種拍攝方法使後來的古裝喜劇都用同樣方法搞笑, 例如近年的我家有隻何東獅,小白龍情海翻波。星爺的西遊記上下集雖然在本地不算強, 但國內就非常收得, 不過「愛你一萬年」既經典對白大家一定記得。 而百變星君係抄當年占基利大hit既的變相怪傑,聽聞百變星君好似用左千幾萬做特技效果

    90年代其他名演員有成龍, 劉德華, 劉青雲, 吳鎮宇, 梁朝偉, 梁家輝, 劉嘉玲, 曾志偉, 張國榮, 黃秋生等.... 各人有各的特色, 亦有各人的經典電影, 由於時間關係, 答住咁多先, 下次補充。

    不過我覺得90年代最特色既電影, 我會選「香港製造」,雖然係小本製作, 又起用新人做演員(這是李燦森既出道作) , 但劇情充實, 又反映當時香港人的諗法, 而家翻睇都會有感觸。

    一個前碟舖職員+電影迷上

    資料來源: 自己既答案, 支持原創答案, 反對copy
  • Win臣
    Lv 5
    1 十年前

    九十年代香港電影有什麼特色?

    新潮鬼片

    《凶榜》

    《撞到正》

    《再生人》

    詳細資料到此看:

    http://www.filmcritics.org.hk/big5/?mod=articles&t...

還有問題嗎?立即提問即可得到解答。