Yu Lai 發問於 娛樂及音樂電影 · 1 十年前

究竟無間道3講乜架(+15)

1.梁朝偉既角色係點死架

2.邊個係陳俊

3.邊個先係劉建明

4.究竟邊個係臥底

5.陳道明既角色究竟係做乜架

6.電腦顯示既人名"Chan Wing Yan"究竟係咩人

7.劉嘉玲做乜開槍呀?

8.黎明既角色係咪衰人

9.成套戲最後影返梁朝偉扮演既角色臨死前七日,究竟有咩用?

更新:

10.最後劉嘉玲咪開左一槍既,究竟劉德華有冇事?鄭秀文唔係應該見到佢開槍架咩?

3 個解答

評分
  • 1 十年前
    最愛解答

    梁朝偉 飾> 陳永仁

    劉德華 飾> 劉建明

    黎明  飾> 楊錦榮

    陳道明 飾> 影子

    1.梁朝偉既角色係點死架

    梁朝偉無間道1既果時識穿咗劉德華係黑社會派入去警方既內鬼,後來梁朝偉攞到指控劉德華既證據。在逮捕劉德華既時候o係電梯門口慘遭林家棟(劉德華伙伴)殺死。

    2.邊個係陳俊

    應該係程俊,據戲中所述係一早被人盜用咗身份。戲中陳道明飾演的程俊由此至終係假既。真正的程俊戲入面冇交代。

    http://www.movieg.com/inf3/p34b.jpg

    3.邊個先係劉建明

    當然係劉德華啦!因為佢自己本身有精神分裂,成日擋咗自己係梁朝偉。

    4.究竟邊個係臥底

    第一集入面:

    劉德華 - 由黑社會放入去做警察既「臥底」

    梁朝偉 - 由警方派入去黑社會「臥底」俗稱「二五仔」

    第三集入面:

    梁朝偉 - o係第一集已經死咗

    劉德華 - 好想擺脫「臥底」身份,攪到short咗

    黎明 - 係韓琛派入警方o既「臥底」,佢同劉建明一樣,都係想做一個好人

    一開始o係佢面前自殺既都係韓琛o既人。

    陳道明 - 扮演既「影子」,其實係警方既「反臥底」

    5.陳道明既角色究竟係做乜架

    陳道明 - 扮演既「影子」,其實係警方既「反臥底」。佢既職責就係幫黎明去除《韓琛曾經派入警方o既其他「臥底」》。

    6.電腦顯示既人名"Chan Wing Yan"究竟係咩人

    係梁朝偉飾演既陳永仁,第一集入面陳慧琳既client,所以電腦有資料顯示。

    7.劉嘉玲做乜開槍呀?

    劉嘉玲o係第二集講佢係韓琛既女人,而第一集入面劉建明最終出賣及殺死韓琛,代表「劉嘉玲幫韓琛報仇」既意思。

    8.黎明既角色係咪衰人

    亦正亦邪,佢同劉建明一樣,都係想做一個好人。以同韓琛互換情報方式提高破案率扎職。

    a) 黎明冇直接害死偉仔

    b) 又同偉仔&陳道明響船上講既一番話,大家講得咁開心咁投契

    c) 成套片黎明都係同華仔對立,而華仔本身係奸

    外行人好易產生錯覺以為「3個都係好人」囉。

    9.成套戲最後影返梁朝偉扮演既角色臨死前七日,究竟有咩用?

    呢集用左插敘式既拍攝,有d似電影「英雄」既拍攝手法 - 講到果度就插番d舊事落去 睇一次係好難會明ga!因為結局要圍繞番主題,繼而要描繪「華仔逐漸代入偉仔的角色」直到「華仔擋咗自己係偉仔」,害人終害己既華仔最後亦難逃同一慘淡收場。

    2006-11-27 02:36:35 補充:

    2.邊個係陳俊陳俊係韓琛派入警方o既5個「臥底」其中之一。陳俊是韓琛派進警局的臥底,這個祕密被楊錦榮知道了!而楊錦榮不給陳俊機會,準備當眾揭穿他!所以陳俊唯有自殺,就算他不自殺,也難逃法律的制裁!更正:上文所述的「程俊」係我記錯個名,應該係「沈澄」先啱,陳道明所飾演的「影子」假扮「沈澄」。

    2006-11-28 19:23:08 補充:

    10.Mary(劉嘉玲飾)在《無間道II》裡係劉健明心愛的女人,華仔為保身份不被洩露,惟有借刀殺人幹掉Mary。嘉玲早已死了,《無間道III》嘉玲開槍一幕,其實只係華仔精神錯亂所產生的幻覺,兜兜轉轉最終也擺脫唔到心裡既陰影。實質上,當時只有鄭秀文同華仔兩人

    2006-11-30 19:02:17 補充:

    黎明一角(有另一版本),講佢一直被警方高層委以重任:「職責是剷除警局內部既壞份子」。為了搜集華仔既犯罪證據,黎明設局誤導華仔,迫使他陷入圈套,精神錯亂...

    我本人就覺得佢係韓琛派入警局o既「臥底」,

    兩個版本都有可能,留待大家思考la!!

  • 1 十年前

    黎明唔係黑社會既臥底,佢只係為破案同曾志偉交換情報既警察,而佢都發現左劉華係臥底,所以設局令佢自爆

  • You help me too!!!!!

還有問題嗎?立即提問即可得到解答。